A Consellería de Cultura, Educación e Universidade vai distribuir máscaras entre o alumnado e o pasado 13 de novembro publicou os criterios e o procedemento que se seguirá.

Quen pode recibir a axuda?
O alumnado matriculado en educación primaria, secundaria obrigatoria e educación especial que cumpra algún destes requisitos:

• teña unha renda per cápita igual ou inferior a 6000€.
• estea matriculado en educación especial, teña un grao de discapacidade igual ou superior ao 65% ou estea baixo a tutela ou garda da Xunta de Galicia.

Quen ten xa concedida a axuda para máscaras?
O alumnado beneficiario da axuda de material escolar no curso 2020-2021, é dicir, o alumnado ao que lle foi concedido o vale de 50 € para material escolar. Este alumnado non precisa facer solicitude para máscaras, xa as ten concedidas.

Quen non pode presentar solicitude para máscaras?
O alumnado que presentou solicitude para material escolar e resultou excluído por superar o nivel de renda.

Quen pode presentar solicitude para máscaras?

• o alumnado que presentou solicitude de material escolar e non se lle concedeu o vale de 50€ por unha causa que non fose “superar o nivel de renda”.
• o alumnado que non presentou solicitude de material escolar.

Como presentar unha solicitude para máscaras?

• presentarase de forma presencial no centro.
• o prazo é ata o 27 de novembro de 2020.
• documentación necesaria:

1. impreso de solicitude cuberto con datos a 31/12/2018 (Anexos I e II). O impreso está dispoñible na Secretaría do instituto ou pode descargarse da convocatoria que aparece como documento adxunto a esta publicación.
2. documentación complementaria segundo as circunstancias (resumida no documento anexo).

Poden consultar a convocatoria íntegra nos documentos adxuntos.