Conferencias, Eventos, Indice, Practicas, Prensa

Práctica I con Arduino

Lun, 04/12/2023 - 14:29

O graduado en física, Camilo López Castro impartiu este 29 de novembro a primeira parte dun seminario sobre placas Arduino para o alumnado de primeiro curso de STEMBach. Nesta sesión viron as bases da linguaxe de programación para Arduino e programaron unha luz LED máis pulsador.
A vindeira semana este alumnado continuará con outra sesión de prácticas con placas Arduino, impartida polo mesmo docente.

Álbum: Stembach23/25 -> arduino I

Conferencia One Health

Ven, 24/11/2023 - 13:14

Este 15 de novembro, o alumnado de primeiro de STEMBach e os profesores, Xoán Carlos Rodríguez e José Neira do IES Lucus Augusti asistimos a unha conferencia impartida por Marta López Alonso, catedrática da USC de patoloxía animal na Facultade de Veterinaria do campus de Lugo.

Nesta amena e didáctica charla, a profesora Marta López explicou o concepto de One Health, ou como lograr á vez unha saúde óptima para as persoas, os animais e o noso planeta.

Máis especificamente, definiu o programa One Health como “Os esforzos de colaboración de múltiples disciplinas (persoal médico, veterinario, investigador, etc.) que traballan local, nacional e globalmente para lograr unha saúde óptima para as persoas, os animais e o noso medio ambiente”.

Ao final da conferencia as/os asistentes fixeron unha posta en común para achegar o seu gran de area na mellora da saúde global do planeta con ideas ou accións para: reducir, reutilizar, reciclar e consumir produtos locais nos que se prime o benestar animal e medioambiental, entre outras medidas.

Álbum: Stembach23/25 -> One Health

Charla-coloquio sobre o método científico e unha visión científica da luz

Ven, 17/11/2023 - 10:56

Este 15 de novembro, o alumnado de primeiro e máis todo o equipo de STEMBach do IES Lucus Augusti asistimos a un Charla maxistral impartida por Carlos Herrero Latorre, catedrático da USC do Departamento de Química Analítica, Nutrición e Bromatoloxía.

A sesión consistiu nunha charla na que, partindo da explicación do método científico, o profesor expuxo a teoría da dualidade onda-corpúsculo para explicar a natureza da luz, finalizando a sesión cun coloquio sobre o método científico aplicado ás diversas ramas da investigación científica.

Tanto a charla como o posterior coloquio resultaron moi interesantes e amenos, como non podía ser menos tendo o privilexio de ter como orador a Carlos Herrero.

Álbum: Stembach23/25 -> método científico

Práctica de ensaios físicos

Mar, 14/11/2023 - 12:28

Este 8 de novembro, o alumnado de primeiro de STEMbach asistiron a un taller Teórico-Práctico sobre ensaios físicos en madeira, impartido polos profesores Xoán Carlos Rodríguez e José Neira.

Os ensaios físicos desenrolados foron cinco

- Dureza polo método Brinell usando un duorimetro.

- Flexión usando a MUE (Máquina universal de ensaios)

- Resilencia polo método Charpy.

- Resistencia máxima a compresión cun Esclerómetro.

Todos os ensaios foron realizados sobre probetas de madeira, salvo a resistencia máxima a compresión, que foi sobre unha probeta de formigón.

O taller consistiu en dúas partes: primeiro nunha introdución teórica sobre o ensaio e o funcionamento da correspondente máquina e logo un taller práctico donde os alumnos fixeron todos os ensaios.

No ensaio da dureza Brinell usouse un dorometro cunha carga de 100 Kp e un penetrador de bóla de aceiro de 10 mm de diámetro. Logo de calcular o diámetro da pegada, cun calibre, aplícase a fórmula para obter a dureza.

O ensaio de flexión foi realizado na MUE, adaptada para tal ensaio (apoios de rodillos desplazables, onde se apoia a probeta e un punzón, encargado de aplicar a carga) obtendo, directamente na pantalla da máquina a resistencia máxima a flexión da probeta de madeira.

O ensaio de resilencia foi realizado polo método Charpy que consiste en romper dun só golpe, mediante un péndulo, unha probeta entallada no seu centro e fixa para determinar a enerxía absorbida no proceso.

Por último, os alumnos realizaron ensaios cun Esclerómetro sobre probetas de formigón para obter, usando unha táboa de coversión, a resistencia máxima a compresión.

Álbum: Stembach23/25 -> ensaio físicos

Taller de emerxencia climática

Mér, 01/11/2023 - 19:21

Este Mércores, 25 de outubro do 2023, con motivo do Día Internacional contra o Cambio Climático, os estudantes de STEMBach participaron nunha actividade de divulgación ambiental relacionada coa emerxencia climática que, por desgracia, estamos a padecer xa.

A actividade comenzou cunha conferencia sobre a emerxencia climática na que nos atopamos impartida por Ana Traseira, directora da UNED e do proxecto #LugoNaturalMente, e por Paula Fernández, bióloga ambiental da universidade lucense, repasando as principais causas e consecuencias da crise ambiental co fin de concienciar o alumnado.

Na segunda parte os alumnos realizaron un análise químico de dúas mostras diferentes de río, unha do río Miño a altura da fábrica da luz, e outra procedente do Encoro das Cunchas, en Muíños (Baixa Limia). Neste exercicio, a directora da UNED, aproveitando que é Química, explicou os parámetros básicos para analizar a calidade dun río, como son a condutividade, o pH e a concentración de nitritos e nitratos.

Esta práctica, serbiu para que, as alumnas e alumnos puideran ver in situ unha das consecuencias da emerxencia climática, a eutrofización das augas.

Para finalizar a sesión, a UNED repartiu bolsas de tea con certificación GOTS entre o alumnado como recordo da actividade.

Álbum: Stembach23/25 -> Emerxencia climática

Taller de olfacto e gusto

Mar, 24/10/2023 - 12:21

Este 18 de outubro o alumnado do STEMbach asistiu a un taller de olfacto e gusto. Este consistiu nunha introdución teórica a ambos sentidos por Irene Ortiz Leal, farmacéutica e veterinaria, especializada no estudo da neuroquímica do olfacto nun amplo rango de mamíferos.Irene explicou como percibimos os olores, a alta sensibilidade humana para percibir unha diferencia mínima en dúas moléculas como olores moi distintos, diferentes variacións xenéticas no receptor do olfacto que orixinan variabilidade na percepción de certos olores, o umbral do olfacto, o olor das enfermidades, a pegada olfactiva de cada persoa, a odoroloxía forense ou a peritaxe de olor, o olfacto artificial, as limitacións da linguaxe para describir os olores, o olfacto no neuromarketing, o odotipo das marcas, a influencia do olor no sabor, etc. Finalmente tamén explicou o sentido do gusto, falando dos cinco sabores primarios e dos estudos sobre o sexto sabor ou amiláceo e o sétimo sabor ou oleogusto e dunha ilusión gustativa que transforma o sabor, a froita miraculina, que impide a percepción dos sabores ácidos e amargos.

Despois da charla, os participantes realizaron un taller práctico de olores e sabores. Este taller estivo organizado polo investigador do grupo de investigación MORFAN da Universidade de Santiago de Compostela, Pablo Sánchez Quinteiro, que nos acompañou durante esta xornada xunto cos profesores do IES Lucus Augusti Xoan Carlos Rodríguez e José Neira.