Entre os próximos meses de marzo e xuño, serán impartidos no IES Antón Losada Diéguez dous cursos de formación para o emprego (AFD).

Estes estarán destinados preferentemente a persoas desempregadas.

Estes cursos serán os seguintes:

TRABALLOS DE CARPINTARÍA E MOBLE (378 horas)

Do 14/03/2022 a 30/06/2022.

Este curso inclúe un módulo Básico de prevención de riscos laborais de 60 horas.

A proba de selección será o 09/03/2022 ás 10:00 horas no IES  Plurilingüe Antón Losada Diéguez.

Información completa sobre o curso AQUÍ

OPERACIÓNS AUXILIARES DE MANTEMENTO EN ELECTROMECÁNICA DE VEHÍCULOS (328 horas)

Do 16/03/2022 a 22/06/2022

A proba de selección será o 10/03/2022 ás 10:00 horas no IES Plurilingüe Antón Losada Diéguez

Información completa sobre o curso AQUÍ

As persoas que superen satisfactoriamente estes cursos obterán un CERTIFICADO DE PROFESIONALIDADE, que permite a inserción no mundo laboral, nos sectores sobre os que tratan os cursos.

Ademais o alumnado disporá de bolsas e axudas reguladas pola correspondente convocatoria.

Dentro do Plan Proxecta 365 días pola igualdade, o corredor da Biblioteca do Losada acolle a mostra de creacións plásticas CARTAS DE AMOR.

Podes consultar máis información e ver máis imaxes NESTE ENLACE.

No blog da Biblioteca tamén tes máis información sobre outras actividades do proxecto: AQUÍ

O pasado martes foi presentado no noso IES o proxecto para o novo edificio que albergará os talleres e aulas dos ciclos formativos da familia de madeira. Despois de moitos anos, dáse o primeiro paso para acadar nun breve espazo de tempo a mellora das condicións materiais para o desenvolvemento das clases e das prácticas do alumnado e profesorado dos ciclos de madeira. 

 Noticia no Portal Educativo da Consellería de Educación:

O conselleiro de Cultura, Educación e Universidade, Román Rodríguez, anunciou un investimento de 2M€ para ampliar o instituto IES Plurilingüe Antón Losada Diéguez, na Estrada. Unha actuación que, tal e como explicou, “dá resposta a unha vella demanda do centro” e permitirá contar cos espazos necesarios para o axeitado desenvolvemento dos ciclos de Madeira, Moble e Cortiza.

A Consellería de Cultura, Educación e Universidade a Fundación de Exposicións e Congresos da Estrada colaboran desde hai anos, de tal forma que parte da formación destes ciclos se viña desenvolvendo nas instalacións desta Fundación ata o ano pasado. A este respecto, o conselleiro sinalou que a reforma dos talleres realizada recentemente e esta ampliación van permitir que o alumnado de Formación Profesional dispoña dos espazos necesarios para completar a súa formación no propio instituto, o que supón un salto de calidade moi importante, ademais de dar resposta a unha demanda histórica do centro.

A este respecto reafirmou o compromiso do Goberno galego coa FP e, especialmente, coa súa conexión co entorno. Neste sentido, afirmou que os ciclos da familia profesional da Madeira son “tremendamente importantes na Estrada, xa que están moi vencellados coa economía local e a estrutura produtiva local” e destacou a súa capacidade para formar profesionais “que doten de capacidade de innovación e de medrar ás empresas do sector do moble”. “Isto é bo para alumno, para os sectores produtivos e para o territorio onde se ubica a FP”, destacou.

O proxecto está nestes momentos en fase de redacción. A previsión é licitalo en abril e adxudicar as obras, que terían un prazo de execución de arredor de seis meses, durante o verán de 2022. “O obxectivo é poder empezar a empregalo en 2023”, indicou Román Rodríguez.

Novo edificio

A ampliación do centro realizarase mediante a construción dun edificio destinado a taller para os devanditos ciclos. A nova edificación situarase nunha das pistas deportivas existentes, fronte ao edificio do ximnasio, e será “un edificio onde a madeira vai estar moi presente en cuestión estruturais”, explicou o conselleiro, así como “adaptado ao Plan de Nova Arquitectura Pedagóxica”.

Contará cunha superficie útil de 1.270 m², que se distribuirán en dous andares. Na planta baixa situaranse as aulas polivalente e técnica, os vestiarios e o cuarto de limpeza e instalacións. Na alta, o almacén, a sala de profesores e os talleres de Carpintería e moble, de Mecanizado, e de Montaxe, Instalación e acabamento

Esta actuación súmase á reforma dos talleres para estes ciclos acometida no instituto Antón Losada Diéguez no ano 2020, que supuxo un investimento de máis de 220.000€.

O IES PLURILINGÜE ANTÓN LOSADA DIÉGUEZ informa que o prazo de matrícula no módulo IV das Ensinanzas de persoas adultas (ESA) está aberto entre os días 10 e 18 de xaneiro de 2022.

Volvemos o 10 de xaneiro

O xoves 25 de novembro celébrase o Día Internacional pola eliminación da violencia contra as mulleres. Un ano máis o Losada Diéguez desenvolve unha programación de actividades destinadas aos diferentes niveis educativos do centro. Estas son as previstas para o propio 25 N.

A Consellería de Educación acaba de publicar os Criterios e procedemento de distribución de máscaras entre o alumnado da ESO. A nova pode consultarse neste enlace:

Distribución de máscaras

No seguinte documento poden consultarse e descargarse as instrucións da orde:

INSTRUCIÓNS

E no enlace que segue pode descargarse o documento de solicitude:

SOLICITUDE (ANEXO I E ANEXO II)

O prazo de solicitude remata o venres 26 de novembro. Deben entregarse as solicitudes na Secretaría do centro.  

Xa está inciado o proceso de renovación do Consello Escolar do IES Plurilingüe Antón Losada Diéguez. 

As votacións para renovar os/as representantes nos diferentes sectores que o compoñen terán lugar o vindeiro 24 de novembro de 2021.

Os postos que van ser renovados son os seguintes: 

Profesorado: 60% (4 representantes)    

Alumnado: 50% (2 representantes) Na elección os/as 2 máis votados/as substituirán aos 2 que rematan mandato, e terán nomeamento ate o 2024. Os/as 2 seguintes cubrirán as restantes vacantes e terán nomeamento ate o 2022.

Nais e pais: só corresponde renovar ao representante da ANPA, os outros dous renóvanse na seguinte elección.

Persoal de administración e servizos: 100% (1 representante) Corresponde renovar o representante.

O prazo de presentación de candidaturas remata o xoves 11 de novembro e dita presentación debe facerse na Secretaría do centro.

Pode descargarse o documento co calendario correspondente a estas eleccións NESTE ENLACE.

Despois dun curso 2020-2021 moi complicado, este ano comezamos o curso coa posta en marcha de diferentes actividades, camiñando pouco a pouco cara a normalidade.

A Biblioteca xa deu comezo ao proxecto dos Clubs de Lectura, que este ano serán cinco diferentes con máis de 50 rapaces e rapazas participantes. Aí que da unha imaxe de mostra.

Tamén a iniciativa da Biblioteca, e do EDL tivo lugar un certame de deseño para a elaboración de marcapáxinas con motivo da celebración do día das bibliotecas, o pasado 24 de outubro. No blog da biblioteca podes ver máis imaxes e información sobre estas actividades.

E tamén iniciou os seus ensaios a Aula de Teatro Avelaíñas, que todos os martes xunta a perto de 40 rapaces e rapazas que neste curso están dirixidos polo actor e monologuista Fran Campos.

CONVOCATORIA DE ASAMBLEA EXTRAORDINARIA DA ANPA DO IES PLURILINGÜE ANTÓN LOSADA DIÉGUEZ

DÍA: Xoves 4 de novembro de 2021
Hora: 20:30 horas
Lugar: Salón de Actos do IES Plurilingüe Antón Losada Diéguez
ORDE DO DÍA
1. Informe de situación da Asociación.
2. Informe económico e aprobación de contas.
3. Elección de nova Presidencia e nova Xunta Directiva.
P4. reguntas e suxestións.

A Asemblea está aberta a todos os pais e nais do alumnado do IES ANTÓN LOSADA DIÉGUEZ (ESO, BACHARELATO, CICLOS FP) independentemente de que estean ou non asociados á ANPA.
A Xunta Directiva estará formada, conforme aos Estatutos, por 9 cargos (presidencia, vicepresidencia, secretaría, tesourería e 5 vogais). Para pertencer á Xunta Directiva si que é preciso ser socio/a da ANPA . Quen non se aociase este curso aínda, pode descargar a solicitude na web do IES Plurilingüe Antón Losada Diéguez ou clicando no seguinte enlace SOLICITUDE DE INSCRICIÓN e pagando a cota e comunicarllo á ANPA no correo anpaantonlosada@gmail.com