Os equipos INNOVA_DAAS e IN(H)AL do IES A Guía foron semifinalistas da III Olimpíada de Enxeñería da Edificación, organizado pola Escola Universitaria de Arquitectura Técnica da Universidade de A Coruña a nivel autonómico, no marco da Conferencia de Directores de Arquitectura Técnica e Enxeñería de Edificación. Tras defender os seus proxectos para edificar unha vivenda de construcción sostible e máxima eficiencia enerxética, o xurado nomeou gañador ao equipo INNOVA_DAAS. Moitos parabéns aos dous equipos participantes e moita sorte para a fase nacional ao equipo gañador da fase autonómica!!!!!!
Pode consultarse máis información aquí e aquí
Deixámovos un dos momentos da defensa dos proxectos de cada un dos grupos
Na materia de Tecnoloxía Industrial II de 2º de bacharelato, Miguel explícanos o funcionamento do circuíto pneumático de doble efecto no seguinte vídeo:
O alumnado de 1º bacharelato estivo a traballar na materia de Tecnoloxía Industrial I na fabricación dun dispostivo que se propulsa empregando o unha pila de hidróxeno. No seguinte vídeo, pódese comprobar o seu funcionamento e algún "spoiler" a outros proxectos que están en marcha no departamento de Tecnoloxía e que, con moita probabilidade darán que falar nalgunha feira de proxecto próxima... (e ata aí podemos contar, de momento...).
O alumnado de ESO e Bacharelato do IES A Guía participou o pasado 21 de de abril na 6ª competición de robots organizada pola Escola de Enxeñería Industrial da Universidade de Vigo. Trátase dunha iniciativa que pretende espertar o interese polas disciplinas STEM (Ciencia, Tecnoloxía, Enxeñería e Matemáticas). Os nosos parabéns as docentes do departamento de Tecnoloxía, impulsoras da participación do alumnado e, como non, ao noso alumnado!!
Theme by Danetsoft and Danang Probo Sayekti inspired by Maksimer