O martes 21 celebramos o concurso de postres e foi todo un éxito. Os membros do xurado non pasaron fame, tivérono moi difícil para escoller o seu favorito. Todos os participantes foron premiados cunha das caretas de Cigarrón feitas polo noso alumnado da ESA.

Xa temos preparado todo para a Semana do Entroido no centro: temos expostas as caretas de cigarrón e os carteis que informan das nosas actividades: Concurso de postres de Entroido o martes 21 e visita de cigarróns (Álvaro Ferreira, Nelson e outros alumnos do instituto) o mércores 22.

Agradecementos: A  Jesús Ferreiro Dameá, alumno da Esa,  por debuxarnos as caretas; a Nelson por facérnolas en escaiola, ao profesor Encinas por deseñarnos o cartel e a Borys Martínez por cedernos a foto do Cigarrón.

Que viva o Entroido no Barbón!

Interesante e moi útil charla informativa sobre "Drogas e alcol" impartida por Juan Manuel, garda civil especializado neste temas. Moitas grazas pola túa colaboración.

No García Barbón xa estamos a preparar o Entroido! O alumnado da ESA 2 está pintando unhas caretas de Cigarrón que nos fixo Nelson.  Cando as rematemos ensinámosvolas!