Premios extraordinarios de ESO ao rendemento académico. Convocatoria 2022-2023
Prazo de solicitudes: 31 de maio a 30 de xuño
Para realizar unha solicitude hai que facer o seguinte:
1. Cubrir a solicitude:
Para facer a solicitude hai que entrar na aplicación PremiosEdu con usuario de Chave 365 ou con certificado dixital (facer clic na icona verde na esquina superior dereita desta páxina). Despois de acceder á aplicación PremiosEdu, hai que seleccionar a opción “Solicitudes” no menú da esquerda. Deseguido aparecerá unha pantalla con lapelas na que hai que comprobar e/ou cubrir os datos persoais e de contacto, os datos académicos e os méritos a alegar. Despois de cubrir a información descrita, accederase á lapela “Solicitudes”. Nesta lapela hai que premer no botón “Engadir” e completar o resto de información relativa á solicitude. Unha vez cuberta a solicitude hai que gardar o borrador da mesma para poder facer a presentación electrónica.
2. Asinar e presentar a solicitude de xeito electrónico:
Para asinar e facer a presentación electrónica da solicitude deberase acceder ao borrador da mesma na aplicación PremiosEdu e a continuación premer no botón “Presentar E Firmar En Sede Electrónica” que enlazará coa sede electrónica da Xunta de Galicia previa autenticación mediante Chave 365 ou certificado dixital.
Unha vez dentro da sede electrónica atoparase a solicitude xa cuberta xunto cos méritos alegados. A continuación, deberase achegar a documentación xustificativa así como a documentación para a cal non se autorizou a consulta por parte da administración.
Máis información nos documentos adxuntos.
Normativa
Orde de convocatoria. DOG do 14 de abril
Tribunal e instrucións para a realización da proba. DOG do 19 de maio
| Adxunto | Tamaño |
|---|---|
| PREMIO_EXTRAORDINARIO_ESO_RENDEMENTO_2022-2023.pdf | 98.97 KB |
