SUSPENSIÓN DAS ACTIVIDADES LECTIVAS A CONSECUENCIA DO VIRUS COVID-19.
Segundo información da Inspección Educativa, "Suspéndense as actividades lectivas nos centros educativos de Galicia, oficialmente, o luns 16 de marzo de 2020, e de xeito recomendable, a partir de mañá 13 de marzo de 2020."
Esta dirección xa comunicou hoxe pola mañá ao alumnado que todos os exames previstos para o venres 13 de marzo de 2020 quedan aprazados. Mañá venres 13 de marzo funcionará o transporte escolar e o centro terá o seu horario habitual (lectivo e de atención á comunidade educativa).
Suspéndense tamén de xeito indefinido todas as actividades complementarias e extraescolares programadas para os meses de marzo e abril de 2020. Informarase no seu momento de todo o relativo ás viaxes programadas.
Na páxina web do centro irase publicando puntualmente toda a información de interese para o alumnado e as familias.