Inicio

IES Fernando Blanco

Artes plásticas

Proxecto bestiario de 1º da ESO

O alumnado de 1º da ESO coas súas profesoras de Plástica (Sofía Crespo) e de Lingua galega (Belén Puñal) deseñaron un bestiario con animais imaxinarios e logo elaboraron este vídeo que agora podemos ver en estrea exclusiva mundial.

Parabéns polo traballo!!

En abril pinturas mil

Exposición de traballos do alumnado de debuxo artístico. Fai clic sobre a imaxe

Álbum: Web -> En abril pinturas mil

Traballos cambio de estilo

Neste traballo debían escollerunha obra preferentemente do Renacementoou do Barroco (nivel iconicidade realista) para logo interpretala co estilo dun artista do s.XX ou posterior. A obra de partida tiña que ser recoñecible unha vez realizada a interpretación.

Álbum: Web -> Traballos cambio de estilo

Traballos análise e síntese

Neste exercicio debían escoller 3 ou 4 elementos (froitas e obxetos de cociña) para representalos de xeito analítico (nivel de iconicidade realista) a lapis.

E na outra metade do A3 tiñan que representar o bodegón de xeito sintético a tinta. Debían empregar o menor número de liñas posible pero conseguindo que os obxetos fosen identificables e atendendo especialmente a expresividade da liña e do conxunto.

Álbum: Web -> Traballos análise e síntese

Traballos pareidolia

Neste exercicio o alumnado traballou sobre o concepto de pareidolia de dous xeitos diferentes.

No primeiro (son os traballos que van do 1 o 10) debían facer unha mancha aleatoria para logo debuxar formas recoñecibles partindo desa mancha previamente feita.

Por outra banda, partindo de fotografías do entorno (nubes, árbores, etc) debían buscar as formas para poder con certos trazados representar algún elemento novo (son os exemplos da xirafa e da nena)

Álbum: Web -> Traballos pareidolia

Traballos niveis de iconicidade

Neste exercicio o alumnado debía escoller un animal para representalo nos seguintes niveis de iconicidade:

· - Realista (a representación é moi parecida a realidade)Técnica a lapis

· - Figurativo (na representación introdúcense elementos que non son parecidos a realidade: cambios de cor, forma…)

· - Pictograma ( haiunha gran esquematización na representación, a cor é plana, faise uso do debuxo técnico)

· - Abstracto (é o nivel de iconicidade máis baixo e xa non hai referencia co elemento representado)

Álbum: Web -> Traballos niveis de iconicidade

3º Premio no IX Concurso de Murais de Azulexos LAR

O mural galardoado coas gañadoras

As alumnas de 1º de bacharelato que cursan Debuxo artístico I, dirixidas pola súa profesora Montserrat Abella foron galardoadas co 3º premio da IX edición do Concurso de murais de Suministros LAR, polo seu mural sobre o naufraxio do HMS Serpent en 1890.

A decisión foi tomada por un xurado de luxo, composto polo experto en arte Antón Castro, a arquitecta Covadonga Carrasco, a responsable da galería Stoupa Begoña Fernández e por Félix Quintero quen foi director de FENOSA para América Central e do Sur.

Para amenizar o acto houbo unha actuación ao piano de Marcos Traba, usuario de APEM.

Parabéns ás gañadoras!!

As gañadoras no momento de recibir o premio

Excursión ás Illas Cíes

O alumnado que cursa Debuxo Artístico de 1º e 2º de Bacharelato gañou un concurso de postais de Nadal, organizado pola Naviera Nabia, que consistía nunha viaxe ás Illas Cíes.

Este luns 16 de maio, a pesar do mal tempo, foron a realizar a visita acompañadas polas súas profesoras Montserrat Abella e Cristina Ledo. Partiron do porto de Moaña e unha vez nas Illas Cíes realizaron unha visita guiada.

Illas Cíes 1