Inicio

IES Fernando Blanco

Instalación e mantemento

O IES Fernando Blanco en FP Innova 2023

O IES Fernando Blanco estará presente no Congreso de Innovación na Formación Profesional (FP Innova 2023) que se celebrará os días 22, 23 e 24 de marzo na Cidade da Cultura en Santiago.

Esta presenza é a través do departamento de Instalación e mantemento que expoñerá en dous stands (os nº 20 e 21) dous dos proxectos que resultaron premiados en edicións de FP innova nos últimos anos.

Os proxectos expostos son, no stand 20 Mantemento preditivo 4.0 para a industria conserveira e no stand 21 Adestrador de elevador operado por sistema periférico.

Os stands estarán atendidos polos docentes Bibiana Bértoa e Diego Carril e tamén polo alumnado de 2º do CM Mantemento electromecánico, quen farán demostracións do seu funcionamento e explicarán as características dos proxectos aos visitantes.

Cómpre salientar que o mércores 22 visitarán FP Innova 2023 alumnado doutros ciclos do IES Fernando Blanco.

Álbum: Web -> Exposición FP Innova 22, 23 e 24 marzo 2023

Visita a varias empresas

Visita a Pescanova 1

O alumnado de 1º do CM de Mantemento electromecánico e do curso AFD de Montaxe e posta en marcha de bens de equipo e maquinaria industrial, acompañados polos seu docentes Miguel Varela e Diego Carril, acudiron a visitar varias empresas en Arteixo, onde puideron facer visitas guiadas por varios departamentos das mesmas.

As empresas foron Aluman, Leyma e Pescanova

Visita a Aluman

Visita a Pescanova 2

Espazos de tecnoloxía aplicada na FP

O proxecto ElevAula 4.0 presentado polo departamento de Instalación e mantemento do Fernando Blanco está entre os 14 seleccionados en toda Galicia, a inmensa maioría CIFP, na convocatoria de Espazos de tecnoloxía aplicada na FP.

Con este programa a Consellería de cultura, educación e universidades dota aos centros públicos para que poidamos realizar a conversión de aulas tradicionais en espazos de tecnoloxía aplicada na Formación Profesional.

Parabéns aos membros do departamento de Instalación e mantemento por este merecido recoñecemento!