A partir do xoves 23 de febreiro de 2023 o alumnado de Muxía que estuda bacharelato ou ciclos de FP no IES Fernando Blanco contarán cun autobús que sairá da estación de autobuses de Cee ás 14:30 horas, ademais os luns pola tarde haberá un bus que sairá da estación de autobuses de Cee ás 18:30 horas.

Lembramos que o próximo martes 17 de xaneiro remata o prazo de matrícula nos módulos 2 e 4 da ESA.

Do 9 ao 17 de xaneiro estará aberto o prazo de matrícula do segundo cuadrimestre do curso 2022-2023, para as ensinanzas do módulo 2 (2º da ESO) e módulo 4 (4º da ESO).

Lembramos, así mesmo, que no caso das Ensinanzas Básicas Iniciais (destinadas a persoas adultas que precisen alfabetización básica, cálculo, ...), e Ensinanzas non regradas (ENR) o prazo de matrícula permanece aberto todo o curso.

As ensinanzas de Educación de adultos ofrecen unha nova oportunidade de formación para aquelas persoas que non teñen a titulación básica, para quen non rematou a EXB, para quen precise o título de Graduado en ESO e continuar estudos en ciclos formativos, bacharelato, etc.

As Ensinanzas de Adultos impártense de forma presencial no IES Fernando Blanco, en horario de 18:30 a 22:30, de luns a xoves.

INFORMACIÓN

Fernando Castro Paredes, profesor de Lingua castelá e literatura no Fernando Blanco, resultou galardoado co Premio Álvaro Cunqueiro para textos teatrais na súa 26ª edición pola súa obra O traxe.

O Salón Teatro de Santiago foi o lugar onde se desenvolveu o acto de comunicación e entrega destes galardóns o 30 de novembro de 2022, no acto interviñeron o director xeral de Cultura, Anxo M. Lorenzo; o director da Axencia Galega das Industrias Culturais, Jacobo Sutil, e a presidenta do xurado, Cristina Domínguez Dapena.

Parabéns Fernando en nome de toda a comunidade educativa do Fernando Blanco!!