Premios Académicos Fernando Blanco

Este vernes 25 celebrouse un dos actos máis emotivos que teñen lugar no centro, o acto de entrega dos Premios Académicos Fernando Blanco, organizado pola Fundación que leva o seu nome en colaboración co centro educativo. Estes premios están patrocinados por empresas da zona comprometidas coa educación e a cultura. Para estes patrocinadores vai o primeiro agradecemento. Pero como non, os principais protragonistas son o alumnado premiado, que acoden ao acto acompañados da súa familia e amizades.

O acto estivo presentado polo secretario da Fundación, Darío Areas e as persoas encargadas dos discursos foron, por suposto o mesmo Darío no nome da Fundación, a directora Sonia López no nome da comunidade educativa, o alumnado e a alcladesa de Cee que foi a encargada de pechar o acto.