Presentación da talla elaborada coa madeira do abeto grego

O 17 de outubro fai un ano que o temporal tirou o emblemático e centenario abeto grego, unha das árbores máis senlleiras do xardín do IES Fernando Blanco.

Unha vez acordado a que se adicaría a madeira da centenaria árbore un dos retos que nos presentamos era a elaboración dunha talla coa súa madeira e conseguímolo. O noso compañeiro Manolo Canosa Santamaría, moitos anos profesor de tecnoloxía do centro educativo, comprometíaser a intentar facer algo representativo e que puidera lembrarnos o centenario abeto e así o conseguiu en menos dun ano.

Este xoves 17 de outubro presentarase no salón de actos do instituto a talla elaborada coa madeira do abeto, acto ao que estades todas e todos convidados.