PRESENTACIÓN EQUIPOS DA XI OLIMPÍADA CULTURAL O SABER TEN PREMIO
O pasado mércores 27 de abril presentouse a XI Olimpíada Cultural O saber ten premio, no salón de actos do Fernando Blanco, ante todos os membros dos 11 equipos formados e participarán na mesma.
Temos que recordar que cada equipo está formado por 5 alumnos e alumnas e que teñen que ser 3 de bacharelato e de ciclos formativos de FP (debendo haber alumnado das dúas ensinanzas) e 2 da ESO. Reflectindo, desta forma, cada equipo a diversidade de alumnado e tipos de ensinanzas que se imparten no Fernando Blanco.
A partir da próxima semana, os días 5, 6, 12 e 13 de maio, celebraranse as probas clasificatorias entre os 11 equipos participantes.
Unha vez rematadas as devanditas probas, quedarán 3 equipos finalistas e os 2 con maior puntuación serán os que participarán na Gran Final que se celebrará o 22 de xuño.
