Día internacional da muller e a nena na Ciencia

CIENTÍFICAS GALEGAS COMPARTEN AS SÚAS HISTORIAS:
"A CIENCIA ESCRÍBESE EN FEMININO"

O xoves 11 de febreiro celébrase o Día Internacional da Muller e a Nena na Ciencia. Ese mesmo día, ás 12.00 horas, os alumnos e alumnas de 3º e 4º da ESO e 1º de Bacharelato do Fernando Blanco asistiron a unha xornada de divulgación (que se emitiu vía streaming para respectar os grupos de burbullas).

Esta acción, realizada en colaboración con CEXTEC e Talentia Summit, pretende animar aos estudantes con información e referencias a seguir no campo das ciencias ou STEM (ciencia, tecnoloxía, enxeñaría e matemáticas). Neste Día Internacional é necesario apostar por acabar co desequilibrio de xénero nestas disciplinas.

Esta xornada contou coa participación de quince mulleres relevantes nas disciplinas STEM. Ao mesmo tempo, dun xeito moi entretido, as compañías de animación científica e cultural Vermislab e Ciencia Divertida compartiron divertidos experimentos.