Para a organización do primeiro día de curso achégase a seguinte información que deben ter en conta o alumnado e as súas familias:
1. As clases comezarán o xoves 8 de setembro no horario habitual do centro, ás 08.50h.
2. O alumnado pode empregar o transporte escolar aínda que non teña o carné. Este entregaráselle no centro ao longo da mañá.
3. En canto ao acceso ao recinto, débense ter en conta as seguintes cuestións:
a. O alumnado que accede a pé ou chega en transporte escolar debe circular polas beirarrúas.
b. O alumnado que accede en vehículo particular ten que baixar na rotonda e o vehículo debe abandonar o recinto.
4. O alumnado terá que acceder ao interior do centro ás 08.45h, cando toca o primeiro timbre, e dirixirse á súa aula (o grupo pódese consultar no perfil da aplicación móbil Abalar). Os planos das aulas atópanse no documento adxunto. En caso de chuvia, o alumnado poderá acceder ao interior do centro a partir das 08.30h.
a. O alumnado da planta baixa debe acceder pola porta de emerxencia lateral.
b. O alumnado da primeira e segunda planta debe acceder pola porta principal.
5. As dúas primeiras sesións da mañá, o alumnado estará coa súa titora/titor, quen lle facilitará información xeral sobre o centro e poderá resolver as dúbidas que xurdan.
6. A partir da terceira sesión de clase, despois do primeiro recreo, o alumnado seguirá o horario do seu grupo.
7. As clases rematan no horario habitual, ás 14.30h.
a. Os vehículos particulares non poden abandonar o recinto ata que saian os autobuses.
8. O uso de máscara no centro non é obrigatorio. Non obstante, o alumnado que emprega o transporte escolar si debe empregar máscara no interior do autobús.
