A partir do día 24 de xuño ás 9:00h ábrese o prazo para presentar solicitudes para Ciclos Medios e Superiores.
Para os Ciclos Medios reservaranse do 75 ao 85% de prazas para o alumnado da ESO. Para acceder terase en conta a media das notas da avaliación final de 4ºESO.
Nos Ciclos Superiores reservaranse do 75 ao 85% de prazas para o alumnado de BAC. Para acceder terase en conta a nota media de BAC.
Procedemento de solicitude:
Deberase cubrir unha única solicitude por cada grao, medio ou superior, no que se desexe participar. En cada solicitude poderá optarse a catro opcións de centro e ciclo. Podedes acceder ás diferentes opcións de Ciclos Formativos na seguinte páxina
https://www.edu.xunta.gal/fp/folletos-informativos-mapa-oferta-fp
consultando os folletos de cada familia profesional, tendo que escoller os que comezan por CM (Ciclo Medio) ou CS (Ciclo Superior).
A solicitude realizarase utilizando o asistente informático que estará dispoñible en www.edu.xunta.gal/fp CiclosAdmisión
A aplicación avisará no caso de que fose necesario achegar documentación, que poderá engadirse en soporte electrónico.
