Vídeo realizado polo alumnado de Literatura Universal - 1º BAC

No ámbito da materia de Literatura Universal, realizouse o venres 14 de xuño unha exposición na biblioteca do centro, centro de actividades do grupo. Alí foron expostas tanto as lecturas como parte dos traballos realizados polo alumnado, que acompañou ás persoas visitantes explicándolles as diferentes pezas. Foi mostrado tamén a creación colectiva (traballo grupal encadrado na 3ª avaliación) sobre a novela Lolita e o cambio semántico que opera desde a protagonista da historia, víctima dun secuestro e violacións, ata os dicionarios oficiais. O proceso de lectura, selección de fragmentos e realización do video correu a cargo do alumnado. Despedimos deste xeito un ano proveitoso e de crecemento, desexando boas lecturas para todo o mundo este verán.