Actividades

Participa na VI edición do Concurso de fotografía matemática do IES Cabo Ortegal, organizado polos Departamentos de Matemáticas e de Educación Plástica, xunto coa Biblioteca, o @club_ciencias_ortegal, e o @edlg_ortegal.
Prazo de presentación: do 27 de maio ó 7 de xuño.

A Biblioteca, o @edlg_ortegal e o @club_ciencias_ortegal convocamos a segunda edición do Certame de Microrrelatos Científicos do IES Cabo Ortegal.
Anímate a participar!

A semana pasada, o EDLG e a Biblio repartimos entre o alumnado e o profesorado estes marcapáxinas para homenaxear a Luísa Villalta. Verdade que son chulos?
As ilustracións foron obra de Yuliia e Andrea, as gañadoras do concurso de retratos do #díadasletrasgalegas. Parabéns, rapazas!

O pasado venres, 3 de maio, un grupo de alumnas de 1º de Bacharelato integrado por Sara Armada, Carmen Fustes, Zoe Gómez, Alba Martínez e Laura Salgueiro, xunto coas profesoras Bea Otero, Patricia Vázquez e Sara Filgueira, participaron no II Congreso Nacional Escola Rural, celebrado en Ribadavia. Alí, as nosas representantes deron a coñecer ante profesionais da educación de toda España os proxectos e actividades que se levan a cabo no noso centro.
Grazas ó CFR de Ferrol por contar con nós para esta actividade.

Hoxe entramos á clase ó ritmo de "Grândola, vila morena" e repartimos caraveis para conmemorar o 50 aniversario da Revoluçao dos Cravos.

Para conmemorar o Día do Libro montamos un mercado de intercambio de libros usados no recreo

Un grupo de 15 alumnas/os de ESO e 1º BAC participa na primeira sesión do obradoiro "ANÍMATE! introdución ao cine de animación" da man do artista local Borja Guerrero Parapar, o luns 22-04-24 de 11:30 a 14:00 horas.

Trátase de abrir unha vía de traballo e de creación enfocado ao mundo do audiovisual e do cine. As novas tecnoloxías permítennos traballar no mundo da animación con material próximo sen necesidad de contar cun gran presuposto, facer producións “profesionais” co mundo que nos rodea, todo vai depender da nosa pericia e destreza coas distintas ferramentas e materiais que utilicemos: – Imaxinación, Gañas, Materia prima (lápices, papeis, plastilina, obxectos de refugallo…) e Tablet ou móbil.

Primeira parte

Introdución ao mundo da animación: Falaremos do precinema para axudarmos a entender o funcionamento da animación, para isto valerémonos de múltiples xoguetes ópticos que nos darán unha visión máis real e cercana do que é a animación; o seu funcionamento e os principios teóricos.

Proxección de curtametraxes en stop motión: A modo de exemplo e para introducirnos no cinema de animación visionaremos diferentes curtas, onde poderemos comentar e analizar sobre a propia realidade plástica do stop motión e todo o que nos aporta.

Práctica co software “Stop Motion Studio”: Familiciarémonos co programa de animación para aprender o seu funcionamento, podendo cen­trarnos posteriormente no proceso de animación.

O alumnado de 3º ESO recibe á escritora Andrea Maceiras o martes 5-3-24 de 11:30 a 12:20 horas para conversar arredor da obra O que sei do silencio.

A actividade está organizada polos departamentos de Biblioteca, EDLG e Lingua Galega.

Todo o centro acude ao Auditorio de Cariño o martes 10-10-2023 de 12:00 a 14:00 horas no programa de animación á lectura 'Ler conta moito' na que Roger Arias nos ofrece a actividade 'Ver un mundo nun gran de area'. É un espectáculo multidisciplinar que aúna música, poesía e pintura, no que se enfatizan valores como a ecoloxía, a imaxinación ou a empatí.

A actividade está organizada pola Biblioteca Pública do Concello de Cariño e a Biblioteca do IES Cabo Ortegal

O alumnado finalista do certame literario intercentros 'Exeria', xunto co alumnado que forma parte do EDLG, realiza unha visita a Redondela e á Illa de San Simón o luns 12-6-23 de 08:30 a 20:30 horas. A xornada inclúe unha ruta en catamarán pola ría de Vigo, o acto de entrega de premios do certame, unha excursión pola Illa de San Simón para coñecer a súa historia e un xantar de fraternización co alumnado finalista dos outros centros.

A actividade está organizada polo Equipo de Dinamización da Lingua Galega.

Todo o centro disfrutará no instituto da celebración do día das Letras Galegas o martes 16-05-2023 de 11:30 a 14:00 horas.

Haberá un concurso, no que participa parte do alumnado, coas seguintes modalidades:

MODALIDADE DE MÚSICA INSTRUMENTAL:

-      Alejandro (2ºEso): “O son do ar” (frauta)

-      Mauro (1ºESO): “Armenteira” (gaita)

-      Cuarteto Cabo Ortegal: Cris, Mara, Andrea e Noa (2ºEso): “Piornedo” (gaitas e percusión)

MODALIDADE DE RECITADO:

-      Zeltia (1ºESO): “Lúa descolorida” de Rosalía de Castro.

-      Kiara e Sara (4ºESO): “Canción de cuna para Rosalía de Castro” de Federico García Lorca.

 MODALIDADE DE BAILE:

-      Now oso: Noel e Xoel (2ºESO): “A Rianxeira”

     Pichiñas: Andrea, mara, Nahia, Vania, Noa, Adriana, Melisa e Paula (2ºESO): “Pano de cores”.

-      As Ramonas: Laura, Sara, Ana e Lucía (4ºESO): “Alcolitros de Berto e Ramón”.

A actividade está organizada polos departamentos de Lingua Galega e Música e os Equipos de Dinamización da Lingua Galega e da Biblioteca.

Un grupo de 15 alumnas/os realiza a segunda sesión do obradoiro "A linguaxe da ilustración: unha forma visual de contar historias" da man do artista local Borja Guerrero Parapar, o luns 22-05-23 e o venres 26-05-23 de 11:30 a 14:00 horas.

Comezan cunha presentación de diversos álbumes ilustrados con distintas técnicas, a continuación realizan unha serie de exercicios plásticos para coñecer distintos formatos cos que levar a cabo os proxectos e, para finalizar, crean as súas propias ilustracións a partir dun texto.

Ademáis, o alumnado participante realizará unha entrevista ao ponente, exalumno do noso instituto e autor do logo que utilizamos habitualmente.

A actividade está organizada polo equipo de Biblioteca

O alumnado de 4º ESO e de 1º e 2º BAC teñen unha charla-coloquio o venres 10-02-23 de 11:30 a 13:10 horas na Biblioteca do Instituto.

A actividade serve para conmemorar o Día Internacional da Muller e a Nena na Ciencia (11 de febreiro) e contará coa participación das exalumnas Eva, Laura e Miriam.

A actividade está organizada polos equipos de Biblioteca e do Club de Ciencias do IES Cabo Orteg