IES Cabo Ortegal | Páxina Web do IES Cabo Ortegal

1º ESO RUTA POR LOIBA

Start: 15/05/2023 10:10

End: 15/05/2023 17:40

O alumnado de 1º ESO realiza unha ruta pola contorna de Loiba o luns 15-05-23 de 10:10 a 17:40 horas.

A actividade está organizada polo departamento de Educación Física.

Calendario

4º ESO SAÍDA AO RÍO MURELA

Start: 15/05/2023 11:00

End: 15/05/2023 14:27

O alumnado de 4º ESO realiza unha saída ao Río Murela o luns 15-05-23 de 11:30 a 14:00 horas. Constatarán a calidade da auga mediante a análise dos macroinvertebrados que en él habitan.

A actividade está organizada polo Equipo do Proxecto Ríos do IES Cabo Ortegal.

Calendario

CALENDARIO FINAL DE 2º BACHARELATO (Curso 2022 - 2023)

No seguinte enlace pódese consultar o calendario: CALENDARIO 2º BACHARELATO.

CONVOCATORIA DE AXUDAS PARA ALUMNADO CON NECESIDADES ESPECÍFICAS DE APOIO EDUCATIVO (Curso 2023 - 2024)

O prazo de presentación de solicitudes abrangue do 8 de maio de 2023 ao 20 de setembro de 2023.

Solicítase na dirección: https://sede.educacion.gob.es

O alumnado ao que se dirixen as axudas/subsidios son:

Alumnado con TDAH que precisen, por un período da súa escolarización ou ao longo de toda ela, determinados apoios e atención educativa específica derivada de discapacidade, trastornos graves de conduta ou trastornos graves da comunicación e a linguaxe asociados a necesidades educativas especiais.
Alumnado con TEA que non está incluido nas casuísticas anteriores e que tamén precise destes apoios e atención educativa específica.
Alumnado con Altas Capacidades que precise de atención educativa específica.

Pódese consultar máis información no seguinte enlace: Extracto do BOE ou na páxina do ministerio de educación: Páxina Ministerio Educación.

1º BAC OBRADOIRO "CAMBIO CLIMATICO NO PRATO"

Start: 08/05/2023 12:20

End: 08/05/2023 14:00

O alumnado de 1º BAC asiste ao obradoiro "Cambio climático no prato" o luns 8-5-23 de 12:20 a 14:00 horas.

Está impartido polo cociñeiro Alejandro Iglesias quen, aplicando un enfoque integral, ten en conta o ciclo de vida dos alimentos e así pode tomar decisións máis acertadas sobre a saúde das persoas e o planeta. Asemade, emprega produtos de Km0 para promover a reflexión sobre o consumo enerxético, a pegada hídrica e a economía local.

A actividade está organizada polo equipo da Biblioteca e o Concello de Cariño

Calendario

2º ESO CONTACONTOS CEIP MANUEL FRAGA IRIBARNE

Start: 28/04/2023 12:00

End: 28/04/2023 14:00

Oito alumnas de 2º de ESO realizan un contacontos ao alumnado do CEIP Manuel Fraga Iribarne o venres 28-04-23 de 12:00 a 14:00 horas.

A actividade está organizada polo departemento de Lingua Galega e os equipos de Biblioteca e Dinamización da Lungua Galega.

Calendario

FRANCÉS

Start: 26/04/2023 08:30

End: 26/04/2023 20:30

Catro alumnos que cursan francés acuden a realizar as probas DELF B1 a Á Coruña o mércores 26-04-23 de 08:30 a 20:30 horas.

A actividade está organizada polo departamento de Francés.

Calendario

2º ESO e 3º PDC TALLERES D´TEC: MARKET LAB e INSTAGRAM AR

Start: 25/04/2023 08:30

End: 25/04/2023 17:00

O alumnado de 2º ESO e 3º PDC realiza dous talleres D'tec o martes 25-4-23 de 08:30 a 17:00 horas.

1- Taller D´tec Market lab. Deseño de produto: exploran o traballo de laboratorio de química mentres desenvolven dous produtos cosméticos: bomba de baño e crema hidratante.

2- Taller D´tec Instagram AR: aproximación práctica ao uso da Realidade Aumentada (AR) a través da aplicación Spark que permite o desenvolvemento de contidos aumentados para a rede social Instagram.

A actividade está organizada polo departamento de Tecnoloxía.

Calendario

ENQUISA FINAL DE COÑECEMENTOS SOBRE O PROXECTO DO XEOPARQUE CABO ORTEGAL

Start: 24/04/2023 10:17

O Equipo Erasmus+ do centro está a comprobar o alcance do Proxecto na Comunidade Educativa do IES Cabo Ortegal. Porén, elaborou unhas enquisas finais (anónimas) que permitirán avaliar a nosa labor e a dos nosos Embaixadores.

Agradecemos a vosa colaboración!

ENQUISA FINAL ALUMNADO

ENQUISA FINAL PROFESORADO E PERSOAL NON DOCENTE

ENQUISA FINAL FAMILIAS

Calendario

O COMARCAL DE LA VOZ DE GALICIA FALA DO NOSO PROXECTO ERASMUS

Start: 20/04/2023 10:27

Grazas a La Voz de Galicia e, en especial, a Ana F. Cuba, pola reportaxe publicada no Comarcal axudándonos na divulgación do noso proxecto Erasmus.

Calendario

3º ESO A e PDC XIMCANA SANTIAGO

Start: 12/04/2023 08:30

End: 12/04/2023 20:30

O alumnado de 3º ESO A e PDC participa nunha ximcana polas rúas da cidade vella e visita o Museo do Pobo Galego de Santiago de Compostela o mércores 12-04-23 de 08:30 a 20:30 horas.

A actividade está organizada polo departamento de Lingua Galega e o equipo de Dinamización da Lingua Galega

Calendario

INAUGURACIÓN DA EXPOSICIÓN RECICLARTEGAL

Start: 12/04/2023 14:13

A exposición Reciclartegal está dispoñible para poder visitala no paseo marítimo de Cariño desde esta mañá. A inauguración oficial tivo lugar cando os nosos Embaixadores divulgaron os seus coñecementos da zona a un público moi especial, o alumnado de 5º e 6º de primaria do CEIP Manuel Fraga Iribarne. Explicáronlles, empregando o mapa de Cariño en 3D, o que ocorre cos residuos que chegan aos nosos ríos, mares e océanos e a súa repercusión sobre a fauna e como as correntes mariñas favorecen que os residuos doutros lugares rematen nas praias de Cariño. Unha charla produtiva para concienciar as novas xeracións da importancia de manter limpa a contorna. Noraboa!

Calendario

EXPOSICIÓN RECICLARTEGAL

Start: 11/04/2023 20:55

O noso alumnado continúa traballando! Na xornada de hoxe comezaron a preparación da exposición de esculturas de madeira e residuos, recollidos previamente nas praias e complexos dunares de Cariño e no río Mera. Dita exposición poderase visitar no paseo marítimo de Cariño a partir de mañá, grazas á colaboración do Concello.

Esta actividade forma parte do proxecto Erasmus+ do centro, do Club de Ciencias e do proxecto de Polos Creativos, xa que se empregou o material recibido para facer as esculturas e o material didáctico que se empregará na difusión.

Calendario

4ºESO VIAXE FIN DE ETAPA A MALTA

Start: 10/04/2023 00:00

End: 10/04/2023 23:59

Parte do alumnado de 4º ESO realiza a súa viaxe de fin de etapa a Malta do 10 ao 17 de abril de 2023.

A actividade está organizada polo IES Cabo Ortegal.

Calendario

REUNIÓN DO ALUMNADO PARTICIPANTE NO PROXECTO ERASMUS+ CO ALCALDE DE CARIÑO

Start: 29/03/2023 12:57

Unha representación do alumnado participante no proxecto Erasmus+ 'Embaixadores do Xeoparque Cabo Ortegal' mantivo unha reunión co alcalde de Cariño, José Miguel Alonso Pumar, co fin de solicitar ao Concello un espazo no paseo marítimo para a realización dunha exposición os días 11 e 12 de abril. Moi agradecidos ao Concello pola súa colaboración!

Calendario

MODIFICACIÓNS AO CALENDARIO ESCOLAR: AVALIACIÓN NA ESO E BACHARELATO

Publicada a ORDE do 27 de decembro de 2022 de modificación da Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia, na que se indica que a 3ª avaliación e a avaliación final de todos os niveis da ESO deben desenvolverse nas mesmas datas, polo que as sesións da 3ª avaliación e da avaliación final da ESO desenvolveranse conxuntamente a partir do día 22 de xuño.

Pódense consultar as principais directrices no seguinte enlace:

ADENDA PROGRAMACIÓNS DIDÁCTICAS

4º ESO, 1º BAC e CICLO CHARLA EN NARÓN

Start: 09/03/2023 10:30

End: 09/03/2023 16:00

O alumnado de 4º ESO, 1º BAC e CICLO asiste a unha charla sobre "A nosa pegada dixital en Internet: canto saben de nós e para que o usan" no Pazo da Cultura de Narón o xoves 9-3-23 de 8:30 a 16:00 horas. Despois da charla, faise un tramo da Ruta dos Muiños de Xuvia.

A relatora é Susana Ladra, enxeñeira e doutora en Informática pola UDC, graduada en Matemáticas (UNED), Directora do Campus Innova da UDC, profesora Titular, investigadora do CITIC e Vicepresidenta do Colexio Profesional de Enxeñería Informática de Galicia. Obtivo premios como MSCA 2018 Award ou Premio Ada Byron Nova pola Universidade de Deusto.

A actividade está organizada polos departamentos de Informática, Matemáticas e Tecnoloxía do IES Cabo Ortegal.

Calendario

2º E 3º ESO OBRADOIRO: XESTIÓN SEGURA DAS REDES SOCIAIS

Start: 07/03/2023 11:30

End: 07/03/2023 13:10

O alumnado de 2º e 3º ESO participa nun obradoiro eminentemente práctico sobre Iniciación segura á pegada dixital e ás redes sociais o martes 7-3-23 de 11:30 a 13:10 horas.

É un programa que convoca a Dirección Xeral de Ordenación e Innovación Educativa e abordará a xestión segura das redes sociais que máis están a utilizar os e as menores.

A actividade está organizada polo departamento de Informática.

Calendario

4 ºESO, 1º e 2º BAC ALUMNADO FILOSOFÍA E LATÍN

Start: 07/03/2023 08:30

End: 07/03/2023 20:00

O alumnado que cursa as materias de Filosofía e Latín acuden a Lugo o martes 7-3-23 de 08:30 a 20:00 horas. Pola mañá visita ao museo MIHL, percorrido pola muralla romana, visualización do Julio César do grafitero Diego As, visita á catedral. E, pola tarde, asiste no Auditorio Municipal Gustavo Freire á representación da obra El Persa de Plauto interpretada polo Grupo El Ruiseñor de Culleredo

A actividade está organizada polos departamentos de Filosofía e Latín

Calendario

4ºESO, 1º e 2º BAC TEATRO CARIÑO

Start: 02/03/2023 12:30

End: 02/03/2023 13:30

O alumnado de 4º da ESO e de 1º e 2º de BAC asiste o xoves 02-03-2023 de 11:30 a 14:00 horas á representación da obra teatral Alma de Tigre, da compañía Elefante Elegante, no Auditorio de Cariño.

A actividade está organizada polo Concello de Cariño coa colaboración do Departamento de Lingua Galega e Literatura, o Equipo de Dinamización da Lingua Galega e a Biblioteca Escolar do IES Cabo Ortegal.

Calendario

PROCEDEMENTO DE ADMISIÓN DO ALUMNADO (CURSO 2023-2024)

RESOLUCIÓN DA RESERVA DE PRAZA

Unha vez rematado o prazo para realizar a reserva de praza, infórmase que TODO o alumnado do CEIP Manuel Fraga Iribarne que presentou a solicitude de reserva de praza para cursar 1º da ESO no curso académico 2023-2024 no IES Cabo Ortegal foi admitido e obtivo praza.

22-23 FESTIVAL DE ENTROIDO

Start: 17/02/2023 11:00

End: 17/02/2023 14:00

Outro ano máis imos celebrar o Entroido coa degustación de chocolate con churros ás 11:00 horas e cun concurso de disfraces de 11:00 a14:00 horas.

Calendario

3ºESO A/Ades TALLER ASFEDRO

Start: 16/02/2023 11:30

End: 16/02/2023 13:10

O alumnado de 3º ESO A/Ades realiza un taller a cargo de ASFEDRO sobre "Prevención de condutas aditivas"o xoves 16-02-23 de 11:30 a 13:10 horas.