blogue deadmin

Dentro da actividade "Para gustos, cores, amores", este martes 11 no recreo, a nosa compañeira de 1ºBach, Andrea Blanco, bailou unha coreografía que preparou a partir da canción "Peces de colores", de Amaral, inspirada na historia de Gabriel, un menor trans de Calatayud que levou adiante unha campaña para defender os dereitos das persoas trans fronte aos prexuízos que seguen vivos na sociedade.

Hoxe no recreo lemos o manifesto "Para gustos, cores, amores", no que se recollen os principios desta semana de actividades que imos dedicar ao amor, sen prexuízos e sen etiquetas, desde o respecto á diversidade. Ademais, nas paredes e corredores do instituto pódese atopar unha selección de versos e poemas breves de amor de diferentes autores e autoras, tanto en galego coma en castelán.

Comezamos a semana da Muller e a nena na ciencia na que teremos tres charlas doutras tres científicas. O mércores 12 visitaranos Alba Aguión, bióloga, gañadora do FameLab e compoñente da expedición antártica Homeward Bound. O venres 14 de febreiro dobre sesión.

A semana do 10 ao 14 de febreiro imos celebrar o amor, o amor sen prexuízos nin etiquetas, desde o respecto á diversidade. Será unha semana de actividades que pecharemos o venres 14 a partir das 20:00h cun acto no que contaremos coa compañía de teatro A Panadaría, que poñerá en escena a obra "Elisa e Marcela".

Arestora, no salón de actos, para o alumnado de 2º de bacharelato, sesión informativa dos estudos universitarios da

O departamento de Economía organizou no mes de xaneiro dúas novas charlas. O día 22 contamos coa presenza de Isabel Iglesias Arce, asesora financeira europea, quen lle explicou ao alumnado o funcionamento do mercado da bolsa e como investir de xeito seguro e sen riscos. O día 30 Xabier Roibas, xerente de Áncora Dixital, empresa dedicada ao márketing dixital, explicou a actividade que desenvolve a súa empresa e como conseguir posicionamento na internet.