881 86 72 08
COMEZO DO CURSO 24-25
O vindeiro mércores 11 comezaremos as clases no noso IES.
O horario será de 8:30 a 14:10.
Haberá servizo de autobuses que pasarán polas paradas no seu horario habitual.
Benvidos ao novo curso!!
Calendario fin de curso 23-24
Publicado o calendario do final de curso 23-24 coas datas de matrícula, datas de devolución de libros e datas de reclamacións.
Horario do centro:
- Do 25 ao 28 de xuño de 9 a 14 horas.(O 24 é festivo local)
- Mes de xullo de 10 a 14 horas.
Fondo solidario de libros e material escolar 2024/25
Publicada no DOG a Orde pola que se regula a participación no fondo solidario de libros e se convocan axudas para adquirir libros de texto e material escolar.
O noso IES emprega o libro eléctrónico Edixgal polo que non se pode solicitar fondo solidario de libros pero si as axudas para a compra de material escolar.
A información sobre estas axudas podedes vela no DOG do 20 de maio
Pódese presentar electronicamente entrando na páxina da sede electrónica ou presencialmente no IES cubrindo os anexos I e II.
Tedes máis información sobre o procedemento na páxina de fondo libros.
O prazo de presentación de solicitudes remata o 21 de xuño.
O código do centro é 15027940
BOLSAS DE ESTUDOS POSTOBRIGATORIOS 24_25
Xa está aberto o prazo para solicitar as bolsas de estudos postobrigatorios, bacharelato, fp, estudos artísticos...
Tedes AQUÍ toda a información.
O prazo para presentar as solicitudes remata o 10 de maio.
PROBAS DE ACREDITACIÓN DA COMPETENCIA DIXITAL.
Accede aquí á Resolución da convocatoria e aquí á zona de información da web da Consellería de Educación sobre este tema.
Datos máis importantes
(para acceder á información completa premer nos enlaces previos)
Proba para alumnado 4ºESO que queira acreditar nivel intermedio de Competencia Dixital
- O alumnado de 4ºESO que titule obterá automáticamente o nivel “iniciación”. No caso de querer obter o nivel intermedio debe superar unha proba.
- A proba específica para acreditar o nivel intermedio axustarase ás cinco áreas de dominio definidas no Marco galego de competencias dixitais (https://competenciasdixitais.xunta.gal/areas.html).
- A alumna ou o alumno debe responder nun tempo máximo de 90 minutos un total de 60 preguntas de diferente complexidade e tipoloxía referidas a cada unha das cinco áreas de dominio (12 preguntas por cada área).
- Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas.
- A proba é gratuita e para o alumnado de 4ºESO realizarase no mes de maio (data por determinar)
- Prazo de solicitude: 15 de marzo ata as 14:00 (modifícase o publicado na resolución)
- Formulario de solicitude: premer aquí (presentarase exclusivamente na secretaría do centro, non por correo)
Admisión alumnado curso 24 25. Vacantes
Listado de vacantes dispoñibles no IES As Insuas para o curso 24-25.
Poden consultar as prazas vacantes no noso IES para o vindeiro curso.
O alumnado dos colexios adcristos, Ricardo Tobio e Louro, que fixo resrva de praza non ten que realizar ningunha acción.
RESERVA DE PRAZA NO IES FONTEXERÍA
RESERVA DE PRAZA - ALUMNADO DE 4º DE EDUCACIÓN SECUNDARIA
Do 15 de xaneiro ao 5 de febreiro.
Aberto o prazo de reserva de praza para o alumnado de 4º da ESO do noso centro que desexe continuar os seus estudos no IES Fontexería . Dito alumnado deberá presentar no noso centro o ANEXO I debidamente cuberto ou cumprimentalo de xeito telemático na aplicación https://www.edu.xunta.gal/admisionalumnado e presentalo a través da Sede Electrónica. Na páxina indicada teñen a información de como proceder.
Anexo I Poden cumprimentalo e entregalo no centro ou telematicamente.
Este documento (Anexo I) será entregado en papel ao alumnado para facilitar o procedemento.
Bono Deporte de 120 euros
As familias poderán descargar a partir do 8 de xaneiro o Bono Deporte de 120 euros ao que poderán acceder todas as que teñan fillos, de entre 6 e 16 anos, que estean federados ou inscritos no programa escolar de fomento da actividades deportivas Xogade.
O Bono axudará ás familias a sufragar o 80 % das compras de material e equipamento ou a asistencia a clases de actividades deportivas e poderá utilizarse ata o 1 de xullo de 2024.
Cada familia poderá descargar un Bono Deporte por cada un dos fillos ou fillas.
Pódese acceder á convocatoria das axudas no Diario Oficial de Galicia.
Tamén se recollen aí as condicións e prazos para as entidades que se queiran unir ao programa. Poderán facelo ata o 30 de decembro.
