Publícase no taboleiro interior do instituto a listaxe definitiva de solicitudes admitidas e excluídas especificando os libros de texto concretos que se prestan do fondo solidario. Os libros asignados así coma o vale para adquirir material escolar (cando corresponda) entregaranse ao alumnado beneficiario en setembro, o primeiro día de clase.

As persoas interesadas poderán interpoñer recurso de alzada contra a listaxe definitiva ante o conselleiro de Educación, Ciencia, Universidades e Formación Profesional no prazo dun mes contado a partir do día seguinte ao da súa publicación.

Lémbrase que as persoas solicitantes poden acceder por vía electrónica ao seu expediente a través da aplicación FondoLibros, identificándose empregando a Chave365 ou un certificado dixital.