Dúas das curtametraxes elaboradas nas clases de Plástica polo noso alumnado de 3° e 4° ESO, "O armario dos meus pais" e "Algorythms", seleccionadas no Festival internacional Cachinus de Cine de Cilleros na categoria de animación Junior. Parabéns e moita sorte!

Este mes tivemos no noso vestíbulo a exposición dos paneis cos Obxectivos de Desenvolvemento Sostible de UNICEF cedidos polo Concello de Moaña. Por un futuro mellor para todas e todos!

Eses dous que asoman por aí son Dani e Mauro, de 2° Bacharelato A, concentrados o pasado venres nas Olimpiadas de Física co profe David. Moita sorte aos nosos campións!

O pasado luns 6 de marzo contamos de novo co psicólogo Alberto Casqueiro e coa súa charla "Desdramatizando a adolescencia" na nosa Escola de Familias. Mil grazas, Alberto!

Desde o primeiro trimestre vimos realizando a exposición dun poema cada semana. A actividade prolongouse ata a semana de Rosalía, na que nalgunhas aulas de ESO e bacharelato se leron poemas da autora e se realizaron actividades sobre as inxustizas sociais a partir do poema "A xustiza pola man", seguindo a proposta da AELG. Pola nosa banda, expuxemos tamén o poema e cartel conmemorativo. O Día da Muller acompañamos o panel cunha mostra de libros en galego de mulleres e sobre mulleres.