Estimado alumnado da Extensión de Sarria da Escola Oficial de Idiomas de Lugo, parabéns a quen superou o curso e a todo o alumnado ánimo para seguir aprendendo ou mellorando o voso inglés connosco o próximo curso.

Ligazón á web para ver os cursos que se ofertan en Sarria: https://www.edu.xunta.gal/centros/eoilugo/system/files/OFERTA%20CURSO%202024-%2025%20-%20Sarria.pdf

Ligazón á web para matricularse en cursos oficiais: https://www.edu.xunta.gal/centros/eoilugo/node/2004

Ligazón á web para matricularse nos monográficos (obradoiros de expresión e comprensión oral): https://www.edu.xunta.gal/centros/eoilugo/taxonomy/term/228

En Sarria temos novidades para 2024-25:

1. O nivel básico será unificado, polo que todas as persoas que estiveron matriculadas en A1 pódense matricular no novo curso chamado “A1-A2” co que poderán acadar o nivel A2.

2. Haberá tamén un grupo de B1 semipresencial. Nesta modalidade só hai unha clase presencial cada semana e o resto das tarefas fanse en liña sen horario fixo. Mantense un grupo de B1 presencial en horario de tarde.

3. Para as persoas que o que queren é mellorar as súas destrezas orais e practicar falando e escoitando inglés sobre unha variedade de temas interesantes temos dous cursos monográficos de 60 horas sen exames (1 día a semana de setembro a maio):

- Obradoiro de expresión e comprensión oral de nivel B2, para o que é recomendable ter superado un nivel B1. (martes ás 18:00 h.)

- Obradoiro de expresión e comprensión oral de nivel C1, para o que é recomendable ter superado o nivel B2. (mércores ás 18:00 h.)

Estes obradoiros son compatibles con outros cursos oficiais que non coincidan no seu horario.

Esperámosvos!