Responder ó comentario

 

O próximo venres 18 de febreiro, ás 18 horas, poderemos disfrutar dunha nova sesión especial para os máis pequenos da casa. Nesta ocasión contaremos co espectáculo "A biblioteca que viaxaba polo tempo" a cargo de Olga Abad, que será a primeira vez que nos acompañe en Espazo Lectura. A actividade terá lugar na Biblioteca Municipal de Gondomar e está dirixida a nenos e nenas de 0 a 3 anos. 

Precisarase inscrición previa para poder respectar a capacidade da sala. A entrada será, coma sempre, de balde e cumprindo coas medidas sanitarias de seguridade.

 

Criterios de inscrición

Contamos cun aforo limitado a 25 bebés acompañados de 1 persoa adulta. Os criterios de inscrición son os seguintes:

– Terán prioridade os fillos/as de socios e socias de Espazo Lectura, por orde de inscrición.

– Para inscribirse cómpre enviar un correo antes das 12:00 horas do mércores anterior á sesión a contosencueiros@gmail.com e facilitar:

– o nome do bebé
– o ano de nacemento: nenos/as de 0 a 3 anos nacidos en 2018 ou despois
– o nome da persoa adulta que o vai acompañar
– un teléfono de contacto (para avisar en caso de quedar en lista de espera)
– en caso de ser socios/as, o nome do socio/a

– Todas as persoas que se inscriban deben esperar un correo de confirmación para saber se finalmente teñen praza. 

 

Animádevos a participar!