Animación á lectura

Antón foi un neno que cando era cativo facíanlle todo na casa, non facía falta que aprendera nada se non quería. Cando medrou, tiña un axudante, Nicolás, que era o encargado de facerlle todo. Un día Nicolás pensou que xa tiña cartos suficietes para poder ir as Illas Verdes.

Antón non sabía vivir sen axuda: nin vestirse, nin abotoarse os zapatos, nin tan sequera comer só a sopa!

Así pois decidiu comezar unha longa viaxe en busca de Nicolás, atravesando campos, cidades e lugares descoñecidos para él, como unha granxa e un porto.

Durante a súa viaxe Antón foi aprendendo moitas cousas. Cando por fin chegou as Illas Verdes e encontrou a Nicolás deuse conta que aprendera unha chea de cousas e que era capaz de valerse por sí mesmo e foi entón cando decidiu quedarse a vivir e botarlle unha man a Nicolás co seu carriño dos xeados como dous bos amigos.

Un conto que fixo reflexionar aos nen@s sobre a importancia de facer eles as cousas. Aquí vos deixo algúns  dos seus traballos.

A nena e o grilo (OQO, 2010) libro CD de Magín Blanco decorado coas fermosas ilustracións de Leandro Lamas. Os personaxes desta historia vivirán unha viaxe ca que descubrir o mundo a través de aventuras que inciden na solidaridade,o respecto pola natureza, a identidade e o universo afectivo. A partir desta maravilla de obra  as actividades para escolares de Afundación,  permitiunos disfrutar de boa música e teatro en galego para descubrir o mundo a través da curiosidade e a creatividade. Aquí vos deixo as actividades que fixeron @s nen@s das nosas escolas.

Monstruo Rosa é una historia que nos ensina o valor da diferencia e a importancia do optimismo e a positividade, sobre todo nos peores momentos.

Monstruo Rosa é diferente a todos os demais dende que naceu. É moi grande, redondo, moi alegre pero sobre todo é completamente rosa, cousa que destaca moito nese mundo en branco e negro no que lle tocou nacer. Monstruo Rosa podía conformarse, adaptarse ó mundo no que lle tocou vivir, pero non o fixo, decidiu loitar pola súa identidade sen medo ó descoñecido.

A recompensa vale a pena e moito, pois atopou unha sociedade rica e diversa na que foi acollido.

Aquí vos deixo algunhas das actividades que fixeron @s nen@s da escola de San Cristovo:

Antes de ler o conto, os alumnos imaxinaron como sería o monstro do conto únicamente escoitando o seu título. Debuxaron o que imaxinou cada un.

Despois de escoitar o conto, fixeron o debuxo do que máis lles gustou.

·    Xogo de dados no que debuxaron o monstro coa apariencia que lles ía tocando segundo tiraban os dados.

No Samaín a biblioteca escolar do noso CRA e os espacios lectores das escolas ambiéntanse para a ocasión, traballamos unha morea de contos con este motivo. Aquí vos deixo un resumo de fotos para que o disfrutedes.