Como os de Navia festexamos as letras galegas todo o ano da mellor forma que se pode, que é falando o galego, este ano decidimos celebralo cunha festa o mércores día 20 de maio.
Comezamos escollendo unha palabra da zona das recollidas durante todo o curso por nós (aquí tedes a
ligazón a esas palabras), escribíndoa nunha etiqueta e pegándoa nas nosas camisetas.
A partir da 11:00 realizáronse as actuacións dos contacontos Tim e Charo que nos ofreceron as súas magníficas historias en galego e inglés.
Ao medio día fomos xantar a carón do río na área recreativa das Veigas, onde Vicen nos ofreceu un saboroso menú que consistiu en empanada, bolos preñados, xamón asado e cereixas.
Ao rematarmos a comida Rosalía puxo a bailar ao son da gaita a todo o mundo (bueno, a case todo o mundo, je,je).
Tamén houbo a entrega de premios de lectura organizada por Margarita para a ESO e por Rosalia para a EP que este ano recaeron en: Marcos, Sonia e Eva da ESO e Mohamed, Ismael, Miriam, Nerea, Lucia e Noelia de primaria.
Para finalizar a festa achegámonos a ponte medieval da Proba onde Pablo e Quique leron uns manifestos a prol do galego e Silvia, Marta, Magalí e Eva leron uns textos de Fran Alonso e Lupe Gómez. Como punto final despregamos unha pancarta na ponte que dicía: "VIVIMOS EN GALEGO".
P.D: Que así siga sendo por moitos anos
P.D2: Mentras a conexión a Internet na nosa zona siga indo a pedales non intentedes abrir as fotos "grandes". Tardan aprox. 1/2 hora.
