CPI Plurilingüe Cernadas de Castro

O xoves 9 de setembro dá comezo o curso escolar 2021-22.

Ese día, incorporarase o alumnado de: 4º, 5º e 6º de Educación Infantil( no caso de 4º de Educación Infantil terase en conta o  horario establecido pola titora atendendo ao período de adaptación) e o alumnado de 1º, 2º, 3º, 4º, 5º e 6º de Ed. Primaria. 

Durante todo o curso escolar as entradas e saídas do alumnado realizaranse do seguinte xeito:

 O alumnado transportado de Ed. Infantil accederá ao centro acompañado do profesorado de garda.

O alumnado de Ed. Infantil achegado polas familias, accederá ao centro polo portal peonil. Un dos proxenitores ou unha persoa maior de idade autorizada polos mesmos acompañará ao alumno/a polo exterior do centro, a carón do patio de infantil, ata a entrada do edificio que alberga as aulas desta etapa educativa.

O alumnado transportado de Ed. Primaria accederá ao centro, nada máis baixar do autobús, pola portal principal do patio de Primaria.

O alumnado de Ed. Primaria achegado polas familias, accederá polo portal peonil  e entrará pola porta principal do patio de Primaria.

As familias do alumnado de Ed. Primaria, á hora da entrada, non poderán acceder ao recinto escolar.

As familias, polo tanto, non poden acceder ao centro agás que acompañen a alumnado de Infantil, e neste caso será un só acompañante, sexa requerida a súa presenza polo titor/a, Dirección,  Orientación ou precisen realizar algún trámite administrativo para o que esperarán a que  non haxa alumnado nos patios para acceder ao interior do centro e dar cumprimento así ao establecido no protocolo da Consellería de Educación e Sanidade.

O primeiro día de clases, 9 de setembro, e como medida excepcional, dado o cambio de etapa, o alumnado de 1º de Primaria, entrará ás 09:30h empregando o portal peonil acompañados dun membro da súa familia e accedendo ao interior do centro pola porta principal de Primaria. Haberá profesorado que o acompañe ata a súa aula.

 No caso de vir no transporte, será acompañado polo profesorado ata a súa aula nada máis baixar do autobús.

Haberá profesorado distribuído polos accesos para axudar e dirixir ao alumnado.

Todo o alumnado, tanto o transportado como o achegado polas familias, deberá traer posta a máscara. Ademais, tal e como establece o protocolo da Consellería de Educación e Sanidade, deberán traer un estoxo, etiquetado co seu nome, e cunha máscara de reposto. Teñan en conta  que no caso de que as máscaras sexan cirúrxicas deben traer unha a maiores para cambiala ás catro horas.

O primeiro día o alumnado de Ed. Primaria tan só debe traer unha mochila cunha libreta e un estoxo cun bolígrafo, lapis, goma e afialapis. Non deben traer ningún libro. Será o/a titor/a quen lles indicará cal deben ir achegando co transcurso dos días. 

O alumnado utilizará a mesma porta de saída que de entrada ao centro. 

O alumnado que non vai a facer uso do servizo de transporte poderá ser recollido no centro nos seguintes horarios: 

14:10 horas: se o alumnado non vai facer uso do servizo de comedor. As familias esperarán diante da porta de Infantil ou de Primaria, segundo sexa o caso, para recoller aos seus fillos/as. Será a conserxe ou o profesorado quen vaia entregado os nenos/as.

15:00 horas: tras facer uso do servizo de comedor. As familias, tanto de Infantil como de Primaria, accederán ao patio e esperarán diante da porta de Primaria e será a conserxe ou colaborador de comedor  quen fará entrega deste alumnado aos pais.

15:40 horas: hora de saída dos autobuses. Neste caso, as familias, tanto  do alumnado de Infantil como de Primaria, deberán esperar aos nenos/as no portal principal, sen entrar ao recinto escolar. Estes serán entregados por un profesor/a de garda.

Premendo no seguinte enlace pódese descargar a solicitude de preinscrición que hai que entregar no Rexistro do Concello entre o venres 9 e o martes 13 de xullo, ámbolos dous incluídos. 

Solicitude Concilia curso 2021_22

Están publicadas as listaxes provisionais de admitidos e excluídos do fondo solidario de libros de texto e as listaxes das axudas para adquirir libros de texto e material escolar para a etapa de Educación Primaria.

Canles de información:

a) Non presencial: Única e exclusivamente a través da aplicación fondolibros DNI coa Chave365 ou certificado dixital da Fábrica Nacional da Moeda e Timbre.

b) Presencial: No taboleiro de anuncios da Secretaría do centro ou chamando aos teléfonos  881 866 801 / 881 866 801 en horario de mañá de 9:00 h á 14:00 h.

Como vén establecido na Orde do 6 de maio do 2021 pola que se regula  a participación no fondo solidario de libros de texto e se convocan as axudas para adquirir libros de texto e material escolar, as persoas intersadas poderán reclamar nos 2 días seguintes da publicación da listaxe.

Listas de libros de texto de Educación Primaria, preme no enlace para consulta

Listas de libros de texto de ESO, preme no enlace para consulta.

O alumnado de 5º e 6º de Ed. Primaria utilizará o proxecto EDixgal polo que non terán que mercar ningún libro de texto.

Ficha de uso. Preme para descargalo. 

Modelo de autodeclaración e especificacións. Preme para descargalo. 

O xoves 3 e o venres 11 de xuño tiveron lugar as Segundas Xornadas deGastronomía Francesa no comedor do noso centro; as primeiras tiveron lugar o curso 18-19. As Xornadas actuais, foron organizadas xa o curso pasado polo alumnado de francés que en aquel momento cursaba 2º de ESO. Debido ao confinamento non se poideron levar a cabo e por fin, este curso se fixo realidade. Esperamos ter máis edicións no futuro…

Todas as persoas (alumnado, profesorado, equipo de cociña e axudantes, etc) que poidéchedes degustar os menús estades invitadas a respostar á seguinte enquisa: PREME AQUÍ

   Moitas grazas!!

Ao longo desta semana, o alumnado de E.Infantil do noso colexio contou coa colaboración da Escola de Música de Lousame para impartir a clase de Música.

Nela realizáronse actividades de interpretación musical (canto e práctica instrumental) e danza, dunha maneira lúdica, que lle permitiu ao alumnado achegarse ás ensinanzas musicais propias dunha Escola de Música.

A actividade foi gratamente acollida por todos os nenos e nenas, polo que vos animo a asistir á Xornada de portas abertas da Escola de Música, da que axiña vos achegaremos información, posto que se realizarán sesións de música para os nenos/as e as súas familias.

Por último, agradecer unha vez máis a Fernando as colaboracións que fai co noso colexio, participando en todo momento dunha maneira activa na ensinanza da Música. Esperamos poder estreitar máis esta colaboración no vindeiro curso, xa vos informaremos das novidades.