O martes 29 de outubro o grupo de 2º da ESO visitou o castelo de Castroverde, unha fortaleza do século XIV. En lugar de dar a clase na aula, saímos camiñando ata a torre da homenaxe, aproveitando o sol dun día despexado. Alí, nos restos do que no pasado  foi un impresionante castelo de dúas hectáreas, aprendimos diferentes aspectos da vida medieval e, sobre todo, do noso castelo en concreto. Que importante é valorar o noso patrimonio!

 "A competencia matemática, como todas as competencias, deben traballarse en todas as materias; tamén co alumnado con neae. Este alumnado aprende mellor con materiais manipulativos, especialmente se conseguimos que se acheguen aos seus intereses. Na materia de Xeografía e Historia elaboramos materiais específicos para que este almnado comece a familiarizarse con contidos tales como os que traballamos con estes ascensores: os números negativos. Os "problemas" (orais) que deben resolver son, por exemplo, "se Lady Bag está no piso 2 e Cat Noir no piso -2, cantos pisos debe subir Cat Noir para reunirse con Lady Bag?".

Reel de Instagram Collage de Fotos Otoño Amagüestu Marrón de Alicia Rivas Braña