Skip to Content

ESO

Xornada de Badminton (3º e 4º da ESO)

Mér, 2023-05-24 12:09 — secretaria

O martes 23 de maio o alumnado de 3º e 4º da ESO participou nunha xornada con alumnado do IES nº1, IES Manuel García Barros e do Colexio Nosa de Lourdes de A Estrada que xirou arredor do deporte do badminton.

Esta xornada está enmarcada dentro do programa XOGADE de deporte escolar e foi organizada pola Agrupación Deportiva Escolar de A Estrada.

Podedes ver algunhas fotos da xornada abaixo.

 

Álbum: Curso 22-23 -> Badminton XOGADE ESO

SPRINGWEEK. 3º ESO

Mér, 2023-05-24 12:05 — secretaria

Nervios, alegría, entusiasmo, incertidume…o pasado domingo 30 de abril, a rapazada de 3ºESO partíu rumbo Os Peares cheos de emocións. Diante tiñan unha aventura de 7 días de inmersión lingüística xunto a mozas e mozos de diferentes centros educativos da comunidade galega, guiados por instrutores de moi diversas nacionalidades. O río Sil e o Miño foron os testigos dunha intensa pero gratificante aventura, con milleiros de actividades e proxectos en inglés. Logo de compartir tantas vivencias con xente de todas os currunchos de Galicia e do mundo, a despedida fíxose dura. O sábado 6 de maio tocou voltar para o pobo, coa amargura de decir adeus, pero co corazón cheo de ledicia por todo o vivido e coa promesa dun novo reencontro con toda esa xente que fixo desta experiencia un recordo inesquecible.

Se queredes ver as fotos desta actividade podedes entrar na seguinte ligazón, introducindo a contrasinal que foi enviada aos participantes da actividade: https://centropeares.es/spring-week-quenda-3

 

Premios Videopoemas

Lun, 2023-05-22 11:03 — secretaria

Na foto podedes ver todas as persoas finalistas do Concurso de videopoemas da Casa museo de Manuel María en Outeiro de Rei (Lugo), a onde fomos o sábado 13 de maio de 2023.
Están acompañados do xurado do certame, á esauerda na parte superior, o realizador Omar Rabuñal Varela, o profesor e guionista Eduardo Álvarez González e a profesora e guionista Anxa G. Refoxo.
Na seguinte ligazón podedes ver a noticia relacionada co evento:
http://www.casamuseomanuelmaria.gal/portada.htm;jsessionid=80DAEAAE482889F18E47A25213183A37

Lecturas no rural: A nosa Terra XI.

Sáb, 2023-05-20 11:16 — secretaria

Ao longo da semana do 15 ao 20 de maio desevolveuse esta actividade que se desenvolveu en diferentes lugares da parroquia de Cuntis.

Esta actividade consistía en que o alumnado de todo o centro realizaba lecturas abertas para os habitantes das diferentestes parroquias.

Aquí vos deixamos algunhas fotografías da actividade.

Álbum: Curso 22-23 -> Lecturas no rural

Unha experiencia con acento inglés (Inmersión Lingüística en Asturias)

Xov, 2023-05-18 16:37 — secretaria

 Do 8 ao 12 de maio, un grupo de alumnos de segundo da ESO e algúns de primeiro viviron unha inmersión lingüística en inglés en San Juan de la Arena(Asturias)

Cinco días onde o alumando desfrutou dunha experiencia de convivencia intensa na que o inglés foi a súa lingua de comunicación, realizando actividades participativas e activas e gozando dunha actividade de surf.
Unha experiencia chea de aprendizaxe e emocións, para non esquecer!.
Álbum: Curso 22-23 -> Inmersión Lingüística en Asturias

Vídeopoemas finalistas

Mar, 2023-05-09 16:06 — secretaria

 A Casa-Museo Manuel María de Outeiro de Rei (Lugo) acábanos de dar a boa nova: dous dos vídeo-poemas feitos por alumnado de 3º ESO do noso colexio, quedaron finalistas na 6ª edición do Concurso de vídeo-poemas sobre composicións poéticas que organiza este museo cada ano. Velaquí os están:

“Que así mo pediron”. Autoras: Carme Valcárcel, Aldara Pereira Campos, Claudia Martínez Baamonde, Carolina Cobas Correa e Mar Ramos Otero.

 

 “Aló nas montañas voan”. Autoras: Celtia Bouzán Peleteiro, Isaac Rodríguez Rodríguez, Uxío Domínguez Fernández e Sofía Sabir Moussaqhi.

 

  En hora boa a todas/os as/os que participastes no concurso!

 

 

Saída ao Teatro: 1º da ESO

Xov, 2023-04-27 11:21 — secretaria

O 26 de abril os grupos de 1º da ESO aproveitaron o Salón do Libro Infantil e Xuvenil de Pontevedra para asistir como público a unha representación teatral: puideron ver a obra Wombo-Combo, unha fábula sobre videoxogos e realidade virtuais. 
Despois dun tempo para pasear Pontevedra e xantarmos na Alameda, visitamos o Museo de Pontevedra para facer unha visita guiada ás salas adicadas á obra de Castelao.

STAT WARS: O IMPERIO DOS DATOS

Xov, 2023-04-27 09:12 — secretaria

O martes 18 de abril o noso alumnado de 3º de ESO desfrutou moito na saída que fixeron ata  A Estrada.

A primeira hora da mañá pasearon pola vila observando e estudando parte da súa ordenación municipal, en concreto a funcionalidade e estética das súas rúas e prazas.

A continuación, trasladáronse ata o Teatro Principal da Estrada para asistir ao evento sobre Estatística STAT WARS e participaron no concurso que se celebrou, onde os nosos alumnos Samuel Pérez Abalo e Isaac Rodríguez Rodríguez conseguiron senllos premios.

Unha divertida e produtiva mañá. Para repetir!

Camiño de Santiago 2º ESO: Proxecto Terra

Xov, 2023-04-27 09:00 — secretaria

Os pasados (por auga) días 12 e 13 de abril, o grupo de 2ESO do centro participou, dentro do programa Proxecto Terra (https://proxectoterra.coag.es/) , nunha saída para coñecer o Camiño de Santiago. O grupo realizou, en dous días, as etapas do Alto do Poio, nos Ancares, a Samos. 

Desta maneira, puido coñecer a paisaxe de montaña galega, a aldea do Cebreiro, probar a experiencia de camiñar na calma do camiño, visitar o mosteiro de Samos e, por fin, despois de todas as restricións provocadas pola COVID-19, poder gozar dunha xornada de convivencia fóra da casa coas compañeiras e compañeiros de escola. 

Álbum: Curso 22-23 -> Camiño de Santiago

Convocatoria de bolsas de carácter xeral para o curso 2023-2024, para estudantes que cursen estudos postobligatorios

Lun, 2023-03-27 10:04 — secretaria

O Ministerio de Educación e Formacion Profesional ven de publlicar no BOE do 17 de marzo de 2023 o anuncio da convocatoria de bolsas de carácter xeral para o curso 2023-2024 para estudantes que cursen estudos postobligatorios (Ciclos, Bacharelato e Universidade)

Prazo de solicitudes: do 27 de marzo ao 17 de maio de 2023.

Procedemento: exclusivamente telemáticoa a través da Sede electrónica do Ministerio de Educación e Formación Profesional.

Anuncio da convocatoria no BOE

Convocatoria xeral de becas e axudas para estudos postobligatorios

Distribuir contido


by Dr. Radut