O sabor da aventura está no mar. Obradoiro.

O pasado xoves 26 de marzo viñéronnos visitar ao colexio uns amigos moi especiais: A Cuadrilla dos Arroases. Luís "O Pescador" e Mariña " A cociñeira", xunto cos seus axudantes, chegaron cargados de contos, historias e probas para os rapaces e rapazas de 6º de infantil, 1º, 3º e 5º de primaria que están a participar no programa do Plan Proxecta "Aliméntate Ben". Contáronnos cousas moi curiosas do mar, dos peixes, da Pesca Sostible, do Consumo de peixe do noso litoral e das cousas que todos e todas podemos facer para conservar o noso mar e os animaliños que nel viven; tamén houbo tempo para xogar e tentar superar as probas que nos propuxeron e poder así acadar o noso Título de Mariñeiro Pescador Sostible.

Se queredes ver canto aprendemos e o moito que nos divertimos visitade a nosa galería de fotos ou premede en calquera destas fotos.