TRAMITACIÓN DE AXUDAS A USUARIOS/AS DO COMEDOR. COVID 19.

INSTRUCIÓNS PARA A TRAMITACIÓN DE AXUDAS DE COMEDOR CONSECUENCIA DO COVID-19

Poderán acollerse a estas axudas as familias que durante o curso son usuarios gratuítos ou semigratuítos dun euro no comedor escolar do centro.

O prazo de tramitación das solicitudes comeza o martes día 31 de marzo, e remata o luns 6 de abril, ambos os dous incluídos.

• A solicitude deberá tramitarse obrigatoriamente a través da sede electrónica na seguinte ligazón https://sede.xunta.gal utilizando a Chave 365 ou un certificado dixital emitido pola Fábrica Nacional de Moeda e Timbre.
• No caso de que non dispoñan de acceso electrónico ou Chave 365 ou similar, poderán solicitar a nosa colaboración:
• Podedes enviar a solicitude (PREMER AQUÍ PARA DESCARGALA) ao centro educativo a través do noso enderezo electrónico (cpi.aurelio.marcelino@edu.xunta.es) engadindo como asunto do correo “Axuda Comedor”. Na mensaxe debedes facer constar a intención de solicitar a axuda e os vosos datos (Nome e apelidos do/s usuarios/as do comedor e dos seus proxenitores, DNI, e datos bancarios), para o que podedes utilizar o modelo de solicitude establecido pola Consellería.
• As familias con máis dificultades de acceso electrónico podedes facer a solicitude mediante chamada telefónica en horario de 9:00 a 13:00 horas. O centro educativo poderá formular as preguntas que estime oportunas para verificar a identidade do interlocutor.
• A solicitude será única por cada familia e incluirá a totalidade das fillas e dos fillos que sexan comensais gratuítos e semigratuítos dun euro no comedor escolar.

 Podedes consultar toda a información na seguinte ligazón http://www.edu.xunta.gal/portal/node/30697