Skip to Content

Blogues

DELF B1 en lingua francesa para seis alumnas do noso centro.

Ven, 2024-07-19 08:58 — secretaria

O pasado 17 de xullo, as seis alumnas do noso centro que se prepararon durante todo o curso, recibiron a noticia de haber aprobado o exame de nivel DELF B1 de lingua francesa.

As probas, que incluían comprensión oral e escrita, así como produción oral e escrita, realizáronse o sábado 8 de xuño no Colexio Manuel Peleteiro de Santiago.

As estudantes, de 4º de ESO, demostraron a súa gran capacidade e esforzo alcanzando este importante logro.

NORABOA ÁS NOSAS ALUMNAS POLO SEU ÉXITO!

 

Menú de Inverno: "Ratatouille"

Mér, 2024-07-10 18:34 — secretaria

Como ven sendo tradición, para despedir o 1º trimestre, célebrase no noso Centro o Festival de inverno, ao que está invitada toda a comunidade educativa. Este ano as actuacións xiran en torno a temática "Quero ser...". O alumnado de 5º meteuse entre fogóns para preparar un delicioso ratatouille. Baseándonos na  película que recibe o mesmo nome, creamos unha performance mesturando figuras de acrosport.

PROBAS EXTRAORDINARIAS DE SETEMBRO. PROTOCOLO COVID-19

Ven, 2020-08-28 11:21 — secretaria

 

Debido á situación sanitaria por causa da COVID-19, e seguindo o establecido polo Protocolo de adaptación ao contexto da covid 19as normas que aplicaremos durante a celebración das probas extraordinarias de Setembro son as que seguen:

 

 

 

  • O alumnado debe asistir ás probas con máscara. Lembrade que en caso de non traela non vos podemos deixar acceder ao recinto escolar.

  • O alumnado debe traer todo o material necesario para a proba, fóra papel (bolígrafo, lapis, goma ou o que precisades para Educación Plástica, por exemplo). Ese material non pode ser compartido con compañeirxs (nada de “quen me deixa un tipex?”).

  • O alumnado agardará fóra do recinto a ser chamado polo profesorado encargado da proba. Accederá en fileira mantendo a distancia de seguridade.

  • Na entrada do centro haberá instalada unha mesa-Covid con xel desinfectante que deberá ser utilizado antes de entrar.

  • Para circular polos corredores do centro debe ser utilizado sempre o lado dereito e seguir a sinalización marcada no chan.

  • Chegadxs á aula, cada alumnx ocupará un lugar, do que non poderá moverse até acabar a proba. Se usa panos desbotábeis, deberá depositalos na papeleira-COVID que haberá nas aulas.

  • Na aula só o profesorado pode subir e baixar persianas, abrir xanelas ou apagar/prender luces.

  • Unha vez acabada a proba cada alumnx abandonará o centro respectando as indicacións anteriores.

  • Ante calquera dúbida sobre como actuar, preguntade ao profesorado antes de facer.

 

 

 

 

 

Polo ben de toda a comunidade, e pensando nas persoas de risco que conviven connosco, pedímosvos que colaboredes e tomedes con seriedade estas indicacións.

 


OBRADOIRO DE ÓPTICA

Sáb, 2020-02-29 11:44 — Anónimo

O alumnado de ESO do noso centro tivo a oportunidade de estudar as características e o comportamento da luz nos obradoiros de óptica organizados polo departamento de matemáticas do noso centro coa colaboración da Universidade de Santiago de Compostela.

 

CONMEMORACIÓN DO DÍA INTERNACIONAL DA MULLER E A NENA NA CIENCIA

Mér, 2020-02-12 13:33 — Anónimo

Para conmemorar o día internacional da Muller e a Nena na Ciencia, o 11 de febreiro,tivemos a visita da Investigadora María Pardo Pérez, responsable do grupo de Obesidómica no Instituto de Investigación Sanitaria De Santiago de Compostela, que traballa na activación da grasa boa e defende activamente o papel da muller na ciencia e na investigación. 

SAÍDA A SANTIAGO DE COMPOSTELA

Mar, 2020-02-11 16:19 — Anónimo

O 21 de xaneiro as alumnas e alumnos de ESO tiveron a oportunidade de viaxar a Santiago de Compostela para asistir á representación dunha peza de teatro en lingua Inglesa, Class of Vampires, e visitar unha exposición, ben unha exposición de fotografía contemporánea na sede de AFundación ou a exposición de Eugenio Granell, na fundación Eugenio Granell. Ambas exposicións incluíron obradoiros nos que o alumnado do cole participou activamente. 

QUE IMOS COMER EN XUÑO?

Lun, 2019-06-03 09:05 — secretaria

Aquí podedes consultar os menús dispoñibles para este mes.

FONDO LIBROS

Mar, 2019-05-21 10:32 — secretaria

A Consellería de Educación acaba de publicar o a ORDE do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial para o curso escolar 2019/2020.

PRESENTAMOS A INFORMACIÓN MÁIS IMPORTANTE:

  • FONDO DE LIBROS: Destinado ao alumnado de 3º, 4º, 5º e 6º de Educación Primaria e 1º, 2º, 3º e 4º da ESO.
  • AXUDAS PARA A ADQUISICIÓN DE LIBROS DE TEXTO: 1º e 2º de Educación Primaria e de Educación Especial.
  • AXUDAS PARA A ADQUISICIÓN DE MATERIAL: Educación Primaria, Educación Secundaria e Educación Especial , é dicir, todo o alumnado do centro.

OS DOCUMENTOS QUE HAI QUE PRESENTAR SON OS SEGUINTES (segundo o caso particular de cada familia)

  • ANEXO I e II da mesma convocatoria (que podedes recoller no centro ou descargalo de edu.xunta.gal ou da Sede Electrónica da Xunta: modelo ED330B.)
  • Copia do libro de familia onde figuren todos os membros computable.
  • Certificado do grao de discapacidade do/a alumno/a ou calquera membro da familia recoñecido por un órgano que no pertenza á Xunta de Galicia.
  • Documentación xustificativa da situación de violencia de xénero.
  • Resolución xudicial de incapacitación con patria potestade prorrogada ou rehabilitado.
  • Certificado de convivencia, volante de convivencia ou informe dos servizos sociais ou do órgano equivalente do concello onde resida a familia.

PRAZO PARA PRESENTAR AS SOLICITUDES:

  • 21 de xuño de 2019

LUGAR DE PRESENTACIÓN DE SOLICITUDES:

  • Portal electrónico de Educación: edu.xunta.es/fondolibros
  • Sede Electrónica da Xunta
  • Centro educativo

PROCEDEMENTO:

  • Publicación de listas provisionais: 8 de xullo
  • Periodo de reclamacións: 9 - 10 xullo
  • Publicación de listas definitivas: 12 de xullo para E. Primaria e 13 de setembro para ESO.

NOTA: UNHA VEZ QUE SE PUBLIQUEN AS LISTAS DEFINITIVAS, AS FAMILIAS DE EDUCACIÓN PRIMARIA PODEREDES PASAR POLO CENTRO RECOLLER OS VALES PARA A COMPRA DE MATERIAL E DE LIBROS DE TEXTO.

STOP ACOSO

Mér, 2015-03-04 12:28 — Anónimo

 No CPI Aurelio Marcelino Rey García cada día traballamos pola mellora da convivencia, queremos que todos os membros deste centro nos sintamos a gusto e en harmonía. Por iso queremos presentarvos o “Decálogo para combater o Acoso Escolar” que foi elaborado polo alumnado deste centro, dende 3º ciclo de primaria ata 4º de secundaria, dentro da campaña que cada ano desenvolvemos para combater esta terrible problemática.

Neste documento recóllense dez recomendacións que poden servir de guía, primeiro, para evitar que haxa acoso escolar, e segundo, para apoiar e axudar a persoa que está sufrindo esta situación.

Agardamos que a súa lectura provoque unha reflexión ao respecto, porque mellorar a convivencia é responsabilidade de todos.

                                                                                             Decálogo para combater o acoso escolar   

Distribuir contido


by Dr. Radut