A comunidade educativa do CPI As Mirandas esixe a

cobertura inmediata da praza de mestre que non se

cubriu o ciclo de Infantil

• O centro educativo de Ares considera inxustificado que

non se adxudique, xa que repercute negativamente no atención ao alumnado e na calidade do ensino

• No presente curso académico o CPI rexistrou un

significativo aumento do alumnado de Infantil, contando cun total de 94 matrículas

Ares, 20 de setembro de 2018.- A Dirección do CPI As

Mirandas, de Ares, considera inxustificado que a

Consellería de Educación non atenda á súa demanda de

cobertura da praza de mestre de Educación Infantil

que non se cubriu na adxudicación provisional para o presente

curso escolar 2018-19, despois da xubilación

do seu titular que tivo lugar a finais co curso pasado. Neste senso,

a directora do CPI, Blanca Cortizas, lembra

que dita praza se inclúe dentro do catálogo de postos de traballo

da Consellería correspondente ao centro

educativo, no cal figuran como oito o número de mestres que

correspondería ao centro, ao dispor na

actualidade cun total de seis unidades no ciclo de Educación

Infantil.

“A comunidade educativa estamos a esixir algo que

consideramos que é xusto e de moita necesidade;

non atopamos xustificación algunha ao feito de que non se

cubra esta praza, coa que estivemos

contando todos estes cursos anteriores”, subliña a directora

do centro, incidindo no incremento do

alumnado de Infantil respecto ao curso anterior.

De feito, no curso 2017/18 o CPI As Mirandas contou cun

total de 79 alumnos de Infantil, distribuído

en seis aulas, e dous mestres de apoio. Este ano o

centro experimentou no mes de setembro un

importante aumento de matrículas neste ciclo

educativo(+15) –o único da localidade aresá-, o que fai

máis necesario a cobertura urxente da praza demandada

de mestre de apoio para poder prestar a

atención adecuada “que o alumnado do centro se

merece”.

“De non facerse, terá repercusións moi negativas; non

entendemos a negativa da Consellería de

Educación a proceder á cobertura da praza que estamos a

demandar e que consideramos de grande

necesidade para seguir ofrecendo un ensino de calidade.

Está máis que xustificado, por iso esiximos

que a nosa demanda sexa atendida o antes posible e

poder dispor co número adecuado de mestres de apoio

que necesitamos”, subliña a Dirección do centro.

CPI As Mirandas