PROTOCOLO EDUCATIVO PARA A PREVENCIÓN E CONTROL DO ABSENTISMO ESCOLAR EN GALICIA
Enviado por admin o Lun, 03/02/2014 - 14:20
A Dirección Xeral de Educación, Formación Profesional e Innovación Educativa, dentro das súas competencias, dita as Instrucións do 31 de xaneiro de 2014, co propósito de trasladar o protocolo xeral para a prevención e control do absentismo escolar e facilitar a súa aplicación nos centros educativos sostidos con fondos públicos da Comunidade Autónoma de Galicia.
Podedes ler toda a información no seguinte enlace da páxina web da Consellería de Cultura, Educación e Ordenación Universitaria
http://www.edu.xunta.es/web/node/11632
No noso centro, temos establecido o protocolo de actuación, e informamos ás familias do seguinte:
As faltas de asistencia serán xustificadas ou non polo profesorado-titor ante a percepción ou non dos xustificantes da familia.
O alumnado entregaralle ao titor a xustificación escrita e asinada pola súa familia de cada falta de asistencia, seguindo o modelo do centro, nun máximo de cinco días unha vez incorporado ao centro onde a familia indica o motivo de asistencia, ou ben previamente se xa se coñece a ausencia (ANEXO II dos doc. de centro).
Faltas por enfermidade
|
Menos de 3 días |
Xustificante da familia seguindo o modelo do centro e indicando as razóns. Se hai algún exame débese incorporar un xustificante médico |
|
A partir de 3 días |
Xustificante médico: -Se a ausencia é menor dunha semana, o xustificante médico levarase cando o alumno se incorpore ao centro. -Se a ausencia por enfermidade se prolonga máis dunha semana, levará o xustificante ao centro para facerllo chegar ao titor/a. |
Faltas por causa familiar
|
Ata un máximo de 3 días |
Con xustificante dos pais e só cando se trate dun familiar en 1º o 2º grado |
|
Cando estas faltas sexan numerosas ou haxa antecedentes de absentismo consentido |
O titor ou a xefatura de estudos poderá requerir ao alumno unha xustificación adicional |
Outras causas
|
Citacións de carácter xurídico ou similar |
Con documento acreditativo |
|
Tramitacións de documentos oficiais |
Con xustificación escrita da oficina expendedora |
|
Presentación a probas oficiais |
Con xustificación escrita do secretario do Centro |
»
