blogue deadmin

Hoxe no IES Montecelo celebramos o concurso de portas do Samaín.

Os alumnos sorpréndennos ano tras ano, pola súa creatividade, pola coidada realización dos decorados das portas, pero, sobre todo, pola súa implicación, o espírito de grupo e a colaboración de todos con todos.

Os resultados espectaculares, coma sempre e aínda que o mellor desta actividade non se poida ver nas fotos, xulgade vós mesmos os resultados.

Os horarios para as presentacións do curso 2022/2023 o día 8 de setembro son os seguintes:

Ciclos medios: 10:00

Ciclos superiores: 11:30

Formación profesional básica: 12:00

A documentación que deberán aportar para formalizar a matrícula os solicitantes adxudicados en Formación profesional básica é a seguinte:

• Solicitude de matrícula (documento que lles deron como xustificante da solicitude no centro de orixe)
• 1 foto tamaño carnet (co nome do alumno escrito por detrás)
• Fotocopia do DNI
• Fotocopia da tarxeta sanitaria
• Consello orientador (se non o ten deberá solicitalo no centro de orixe)
• Sobre de matrícula (Se recolle no IES Montecelo)
• Pago seguro escolar (En efectivo no IES Montecelo)

A matrícula deberá ser formalizada preferiblemente antes do 30 de xullo.

As fotocopias necesarias fanse no IES Montecelo, non é preciso traelas xa feitas.

No arquivo adxunto podedes consultar a documentación que precisaredes para a matrícula de Ciclos Medios e Superiores para o curso 2022/2023 e as datas para a matrícula da 1ª adxudicación

Para poder facer a matrícula debe estar adxudicado a este centro nas listas de adxudicación que se publican o día 19 de xullo como 1ª adxudicación ou na 2ª ou 3ª adxudicación cuxas datas de publicación son o 27 de xullo e 2 de setembro.

Deben atenderse as instrucións que se publicarán coas listaxes, tanto para a matrícula no ciclo adxudicado como a renuncia ao mesmo.

Prazas adxudicadas para cursar 2º Anatomía no curso 2022/2023 sen praza garantida.

Publícase a 2ª adxudicación como adxunto

Presentación de solicitudes dende o 23 de xuño ata o 5 de xullo ás 13:00h. A solicitude faise na aplicación     Ciclosadmision     (activa só no prazo de presentación de solicitudes). Para alumnado de 1º curso.

O solicitante debe comprobar se ten que entregar a solicitude nun centro con oferta de FP ou se xa está entregada online. (O documento xustificante da solicitude que xera a aplicación ao rematar  indica se hai que entregalo ou non)

Máis información do proceso de admisión para ciclos medios e superiores en:

 Info admisión ciclos medios e superiores

Presentación de solicitudes: dende o 27 de xuño ata o 6 de xullo ás 13:00 h (No centro onde se está estudando neste curso)

O alumnado desescolarizado ten que presentar solicitude no mesmo prazo pero no centro que elixa como 1ª opción na solicitude

O Plan Proxecta sobre Educación sexual no IES Montecelo

Durante o curso 2021/2022 o alumnado da FP Básica estivo traballando co programa Quérote+, promovido polo Departamento de Comunicación e Sociedade.

As profesoras desenvolveron as actividades do programa sobre Educación sexual ao longo do curso, e visitou o centro, a sexóloga Bárbara Penas no mes de abril.

O grupo de peiteado e estética, volcou as actividades realizadas no blog Peiteando a diversidade que podedes consultar no seguinte enlace:  Peiteando diversidade

Dispoñibles dúas ofertas de traballo para deseñadores gráficos.

Alumnado recén titulado ou exalumnado interesado nas ofertas contactar co centro no télf. 986850261 ou enviar CV a ies.montecelo@edu.xunta.gal co asunto Oferta deseñador gráfico.

A xornada de acollida para as probas libres do curso 2021/22 será o 6 de xuño ás 12:05h.

O alumnado matriculado nas probas libres deberá presentarse á xornada de acollida para ter dereito á realización das probas.