Servizos Complementarios
OBRADOIRO CONCILIACIÓN 31-10-24
Enviado por bandaseca o Mér, 23/10/2024 - 10:27O calendario escolar determinou o xoves 31 de outubro como día do Ensino e polo tanto non lectivo. De cara a facilitar a conciliación en días laborais non lectivos, a Concellaría da Igualdade ofrece ás familias un obradoiro de conciliación para o xoves 31 de outubro.
Terá lugar no noso centro en horario de 09:00 a 14:00 horas cun prezo de 5€ por nena/o, cun desconto do 50% para a/o segunda/o irmá/n e de balde para o terceiro. Para aquelas familias que o precisen estará habilitado o Servizo de Madruga e Comedor.
A data límite de inscrición é o día 29 de outubro.
Para calquera dúbida podedes chamar ao 981 83 27 64 (ext.6) ou escribir a igualdade@apobra.gal
Deixamos en arquivos adxuntos o cartel e a ficha de inscrición.
»
CAMIÑOS ESCOLARES SEGUROS
Enviado por bandaseca o Mér, 26/04/2023 - 09:37Desde a Concellería de mobilidade do Concello vanse poñer en marcha o programa de "camños escolares seguros" (CES) para fomentar que os nenos poidan vir e voltar a casa andando.
O percorrido completo para o noso centro sería desde a praza maior, pola alameda, rúa do Estremo, praza de Maura (catro canos), Canton da Leña, praza Irmas Ageitos, Corraliño, xardíns Casa Raquel Soler e pola estrada principal ata o centro. Este percorrido está sinalizado e conta con pasos de peóns. Adxuntamos o triptico onde se explica todo isto con máis detalle e cun plano co percorrido. Ademais dunhas charlas que lles impartirán aos nenos persoal do Concello, apoiaremos a iniciativa desde o centro realizando este percorrido para que o alumnado o poida coñecelo sobre o terreo e as normas de conduta en caso de usalo.
ASAMBLEA ANPA - VENRES 17-XUÑO
Enviado por bandaseca o Mar, 14/06/2022 - 07:35Benqueridas familias,
O curso 2021-2022 está a piques de rematar, pero antes debemos facer unha reunión á que é moi importante que asistades, xa que nela tomaránse decisións que nos afectan a tod@s.
A xunta directiva é o órgano de execución e xestión da Anpa, pero para poder levar a cabo este traballo necesita de pais e nais que se animen a formar parte dela. Sin xente que axude, isto non é posible. Sin Anpa acabaríanse, o comedor, a Aula 0, as Actividades extraescolares que tan importantes son para o desenvolvemento emocional e físico dos nosos fillos e fillas.., e tamén a axuda na xestión de servicios de conciliación, que fan posible que os pais poidamos traballar coa tranquilidade de saber que os nosos nenos e nenas están en boas mans.
Por todo isto é vital a vosa colaboración. Así que animádevos!
Por tanto, queda convocada a Asamblea xeral extraordinaria na seguinte data e horarios:
Data: Venres 17 de Xuño de 2022.
Lugar: Biblioteca Bandaseca.
Hora:
- Primeira convocatoria 19:30h
- Segunda Convocatoria 20h.
ORDE DO DÍA:
1.- Lectura e aprobación da acta anterior.
2.- Presentación de contas do ano 2022. Aprobación se procede.
3.- Cambios na xunta directiva.
4.- Rogos e preguntas.
