CEP PLURILINGÜE SALUSTIANO REY EIRAS

Poderán beneficiarse destas axudas todas aquelas persoas que cursen estudos de Ed. infantil, primaria, ESO da Pobra que formen parte de familias con problemática socioeconómica e cumpran os requisitos que se establecen na convocatoria.

As solicitudes deberán cumprimentarse no impreso oficial que se facilitará na departamento de Servizos Sociais do Concello (está no arquivos adxuntos) e necesitase un certificado de matricula que hai que expedir no centro (tamén está no arquivo adxunto).

Máis información nas oficinas de Servizos Sociais no telefono 981 832764 - ext 4

Deixamos como arquivos adxuntos a Resolución do decreto das axudas, o modelo de solicitude, a autorización de datos da AEAT e o modelo de certificado do centro

4 adxuntos

OBRADOIRO CONCILIACIÓN DE VERÁN MOVETE 2024

Enviado por bandaseca o Xov, 23/05/2024 - 12:38

Complementarias-Extraescolares

A Concellaría de Igualdade pon a disposición das familias o Obradoiro de Conciliación de Verán Móvete 2024 que se levará a cabo dende o 24 de xuño ao 10 de setembro (ambos incluidos) no CEPP Salustiano Rey Eiras.

Hai algúns cambios respecto a anos anteriores, polo que é recomendable ler as bases e preguntar calquera dúbida que teñades.

O prazo de Solicitude de admisión remata o 30 de maio e as solicitudes (xunto coa documentación obrigatoria e complementaria) deberán entregarse de forma presencial na oficina de rexistro do concello ou, para quen lle sexa máis cómodo, a través da sede electrónica.

A lista provisional de persoas admitidas publicarase o 6 de xuño.
Do 6 ao 12 de xuño realizarase o pago a través de transferencia bancaria
O 14 de xuño sairá publicada a listaxe definitiva de persoas admitidas e a listaxe de agarda
Nos arquivos adxuntos deixamos a ficha de Inscrición, as bases da convocatoria e o cartel
Podedes preguntar as vosas dúbidas chamando ao 981 83 27 64 (ext. 6) ou escribindo a igualdade@apobra.gal

3 adxuntos

MATRÍCULA 1º - CURSO 24/25

Enviado por bandaseca o Mér, 22/05/2024 - 09:43

Admisión

O prazo de matricula oficial é do 20 ao 30 de xuño e o prazo para solicitar as axudas de libros e de material escolar esta aberto desde o 21 de maio ata o 21 de xuño.

Co fin de facilitar trámites para as matrículas de alumnado de 1º nivel poden deixar XA a documentación de matrícula cando veñan a traer a solicitude de libros e material:

Documentación:

Instancia de matrícula curso 24/25.
Fotocopia DNI dos pais ou titores legais.
Fotocopia de todas follas do libro de familia.
Fotocopia da cartilla da Seguridade Social ou equivalente.
Fotocopia da cartilla de vacinacións ou informe médico sanitario.
Dúas fotografías tipo carné.
Certificado de empadroamento, só si van usar o transporte escolar.

Se faltara algún documento, poden aportalo posteriormente.

Información sobre axudas libros texto:

páxina da xunta:https://www.edu.xunta.gal/fondolibros/

1 adxunto

AXUDAS LIBROS E MATERIAL ESCOLAR CURSO 24/25

Enviado por bandaseca o Mar, 21/05/2024 - 06:13

Libros de texto

Publicadas as axudas de libros e material. Prrao ata o 21 de xuño.

ERITEMA INFECCIOSO: SINDROME DA BOFETADA

Enviado por bandaseca o Lun, 13/05/2024 - 09:51

Alumnado

Adxuntamos a información para as familias da Asociación Española de Pediatría (En Familia), respecto do Eritema infeccioso remitida pola pediatra do centro de saúde de A Pobra do Caramiñal.

1 adxunto

Axudas para alumnos con NEAE para o curso 2024-2025

Enviado por bandaseca o Ven, 26/04/2024 - 10:28

Alumnado

BOE - Extracto da Resolución do 12 de abril de 2024, da Secretaría de Estado de Educación, pola que se convocan axudas para alumnos con necesidade específica de apoio educativo para o curso académico 2024-2025.

Poderán solicitar as axudas os alumnos e que presenten necesidade específica de apoio educativo derivada de:

Discapacidade
trastornos graves de conduta
trastornos graves da comunicación e da linguaxe asociada a necesidades educativas especiais e que se atopen cursando en centro específico, en unidade de educación especial de centro ordinario ou en centro ordinario que escolarice alumnos que presentan necesidades educativas especiais.
alumnos con TEA
alumnos con necesidade específica de apoio educativo asociado a altas capacidades.

Requisitos: non superar unha determinada renda e/o patrimonio familiar (ver Resolución)

O prazo de presentación de solicitudes: dende o 30 de abril ao 13 de setembro de 2024.

LIGAZÓN para solicitude

AVALIACIÓN DIAGNÓSTICA 4º- CUESTIONARIOS FAMILIAS

Enviado por bandaseca o Xov, 18/04/2024 - 17:55

Orientación

Estimadas familias de 4º:

O seus fillo ou fillas veñen de participar nas probas da avaliación de diagnóstico. Entregamoslles unha carta dirixida a vostedes na que se solicita que respondan un cuestionario de contexto específico para o alumnado e as súas familias

Na carta indícase a páxina web LINK* e a clave de acceso para cubrir o cuestionario en liña. O prazo para esta tarefa remata o 30 de abril de 2024.

Para encher o custionario en liña, é preciso ter conexión a internet e un dispositivo electrónico (ordenador, teléfono intelixente, tablet). Se o necesitan, o centro pon á súa disposición o equipamento informático necesario para cubrir o cuestionario.

Ademais, se a vostedes non lles resulta posible realizar o cuestionario en liña, poden solicitar á súa versión en papel entregando cuberto o recortable da carta no centro educativo, a través do seu fillo ou filla.

Moitas grazas pola súa colaboración

LINK de acceso ao cuestionario: https://enquisas.edu.xunta.gal/649647