CALENDARIO ESCOLAR
Enviado por bandaseca o Lun, 15/10/2018 - 18:55Principais festivos no calendario escolar:
Venres 7 de decdembro: día do ensino
Vacacións de Nadal: do sábado 22/12 ata o luns 7/1 (incluido)
Luns, martes e mercores, 4, 5 e 6 de marzo: Entroido
Martes 19 de marzo: San José
Semana Santa: do sábado 13 de abril ao luns 22 de abril (incluídos)
Mércores 1 de maio: día do traballo
Venres 17 de maio: día das Letras Galegas
Luns 20 de maio: día que escolle o centro (e resto de centros de primaria e infantil da localidade).
Avaliacións: Como este curso a Semana Santa é moi tarde e volvemos o 23 de abril, decidimos adiantar a 2ª avaliación un par de semanas, para igualar os trimestres.
A entrega de notas será para a 1ª av. o 21 de decembro, a 2ª av. o 29 de marzo e a 3ª av. o 21 de xuño
CLASES MARTES 18/09
Enviado por bandaseca o Lun, 17/09/2018 - 10:48LUNS, 17 DE SETEMBRO FESTIVO LOCAL
MARTES, 18 DE SETEMBRO: AS CLASES COMEZARÁN AS 10:00 H. - SAÍDA Á HORA HABITUAL: 13:50 H.
LIBROS DE TEXTO 18/19
Enviado por bandaseca o Ven, 13/07/2018 - 16:56Os cheques de axuda a material e ode libros de texto (1º e 2º) estarán dispoñibles a partir do día 16 de xullo.
As listaxes provisionais de fondolibros co número de libros que lle corresponden a cada alumno están publicadas no taboleiro do centro. A vindeira semana puclicaranse as listaxes definitivas.
No documento adxunto están os libros de texto do curso 18/19.
MATRÍCULA 1º CURSO 2018/19
Enviado por bandaseca o Lun, 28/05/2018 - 14:13Oficialmente o prazo de matrícula é do 20 ó 30 de xuño, pero para facilitar este proceso, a partir desta semana xa poden traer a documentación e entregala na secretaría do novo centro (pinchar nos seguintes enlaces para descargar a documentación):
- Instancia de matrícula curso 2018/19.
- Autorización uso de imaxe.
- Autorización de participación no Proxecto de Seccións Bilingües.
- Fotocopia DNI dos pais ou titores legais.
- Fotocopia do libro de familia onde estea inscrito o/a alumno/a.
- Fotocopia da cartilla da Seguridade Social ou equivalente.
- Fotocopia da cartilla de vacinacións ou informe médico sanitario.
- Dúas fotografías tipo carné.
- Certificado de empadroamento expedido polo Concello, válido para o uso do transporte escolar.
AXUDAS LIBROS DE TEXTO E FONDO SOLIDARIO
Enviado por bandaseca o Ven, 25/05/2018 - 06:24A presente orde integra as diversas modalidades de gratuidade solidaria dos libros de texto:
1.
A participación no fondo solidario de libros de texto en 3º, 4º, 5º e 6º.
2.
As axudas para adquirir libros de texto en 1º e 2º
3.
As axudas para adquirir material escolar en toda Primaria.
1.
O centro asignará libros de texto do fondo solidario (de 3º a 6º), ao alumnado que o solicita do seguinte xeito: Por orde inversa á renda per cápita da unidade familiar, ata que se esgoten as existencias. Esgotados os libros dispoñibles do fondo solidario o centro adquirirá libros complementarios para garantir:
- Alumnado con renda per cápita familiar igual ou inferior a 5.400 €: 6 libros.
- Alumnado con renda per cápita familiar superior a 5.400 € e igual ou inferior a 9.000 €: 4 libros.
- Alumnado en situación de garda ou tutela da Xunta ou con discapacidade igual ou superior ao 65 %: 6 libros.
2.
Contía da axuda para adquirir libros de texto de 1º e 2º:
Alumnado con renda per cápita familiar igual ou inferior a 5.400 €: 170 €.
Alumnado con renda superior a 5.400 € e igual ou inferior a 9.000 €: 90 €.
Alumnado cunha discapacidade igual ou superior ao 65 %, a contía das axudas será de 250 € con independencia da renda.
3.
Contía da axuda para adquirir material escolar: destinado a alumnado con renda per cápita familiar igual ou inferior a 5.400 € ou cunha discapacidade igual ou superior ao 65% será de 50 €.
Cálculo da Renda per cápita. A renda per cápita da unidade familiar é o resultado de dividir a renda1 da unidade familiar (a suma das rendas dos membros con ingresos) do exercicio fiscal 2016 entre o número de membros computables. Computarán por dous os membros que acrediten unha discapacidade igual ou superior ao 33 % ou acrediten unha pensión por incapacidade permanente nos graos de total, absoluta ou grande invalidez.
1Si presentou declaración no exercicio 2016, sumaranse a base impoñible xeral (recadro 392) e a do aforro (recadro 405);cando non a presentase, sumaranse os ingresos netos obtidos.
Non terá a consideración de membro computable: a) A persoa proxenitora que non conviva co alumnado nos casos de separación legal ou divorcio, agás no caso de custodia compartida.
Devolución dos libros de texto do curso 2017/18. Obrigas:
As persoas beneficiarias de libros procedentes do fondo solidario no presente ano académico deberán devolver os libros ao rematar o curso (O prazo máximo para devolvelos será o 22 de xuño de 2018). A falta de devolución será causa de exclusión da participación no fondo solidario e das axudas para adquirir libros para o curso 2018/19.
A solicitude deberá estar asinada polo pai, nai, titor/a ou representante legal do alumnado.
O prazo para presentarsolicitudes iniciarase o día seguinte da publicación desta orde, 23 de maio, e rematará o día 22 de xuño de 2018 (este incluído).
Achegarase a seguinte documentación: copia do libro de familia onde consten todos os membros computables (nos casos en que non teñan libro, sentencia xudicial, volante de convivencia, ou certificado dos servizos sociais do concello que acredite a situación familiar).
AVALIACIÓN INDIVIVUALIZADA 2018
Enviado por bandaseca o Mér, 02/05/2018 - 18:14No DOG do 26 de abril saíron publicadas as avaliacións individualizadas para este curso.
En 3º nivel serán os días 23 e 24 de maio.
Este curso temos que facer tamén a de 6º, que se ralizará os días 29 e 30 de maio.
Para mais información pinche aquí.
APLICACIÓN ABALARMOBIL
Enviado por bandaseca o Xov, 26/04/2018 - 18:47Animámoslles a descargar nos seus móbiles a aplicación abalarMobilque ofrece a Xunta de Galicia para facilitar o acercamento entre o profesorado e as familias A descarga desta aplicación faise dende Apple store (IOS) ou dende Play Store (Android).
Trátase dunha aplicación que permite ás familias, de forma cómoda e rápida, consultar a información dos seus fillos, cualificacións, faltas de asistencia, ver avisos e notificacións do centro ou do profesor,...
Toda información sobre a descarga, funcionalidades e manual de usuario pinchando no enlace https://www.edu.xunta.es/espazoAbalar/nova/abalarmobil.
O vindeiro curso comezaremos a usala como canle ordinaria nas notificacións do centro coas familias (polo momento tamén enviaremos os comunicados en papel), polo que é interesante ir familiarizándose con ela e descubrir a potencialidade desta ferramenta.
DÍA NON LECTIVO
Enviado por bandaseca o Xov, 26/04/2018 - 17:01O vindeiro luns 30 de abril non é lectivo no noso centro.
FOLGA 8 DE MARZO DE 2018
Enviado por bandaseca o Mér, 07/03/2018 - 15:29Diversas organizacións sindicais comunicaron a convocatoria de folga xeral para o 8/3/2018 que afectará a todas as actividades e centros de traballo, tanto empresas privadas como do sector público, con vínculo funcionarial, estatuario ou laboral, no ámbito territorial da Comunidade Autónoma e que se desenvolverá desde as 00.00 h. do 8 de marzo ata as 24.00 do mesmo día. Segundo as convocatorias dos distintos sindicatos haberá estas modalidades de duración de:
- 24 horas do día 8 de marzo de 2018
- ou por tramos entre as 00:00 h. e as 02.00 h. da madrugada, entre as 12.00 h. e as 14.00 h. da mañá ou entre as 19:30 h. e as 21.30 h. da tarde do día 8 de marzo, dependendo da quenda de traballo.
Os servizos mínimos legalmente establecidos son unha persoa de dirección, outra de servizos xerais e o auxiliar coidador. Está folga pode ser secundada por profesorado deste centro. Os alumnos afectados por estar a súa profesora de folga serán atendidos, pero non se lles impartirá ningunha materia curricular. O transporte e comedor escolar, están contemplados como servizo mínimo.
- « primeira
- ‹ anterior
- …
- 16
- 17
- 18
- 19
- 20
- 21
- 22
- 23
- 24
- seguinte ›
- última »
![CEP PLURILINGÜE SALUSTIANO REY EIRAS RSS Distribuir contido](/centros/cepsalustianoreyeiras/misc/feed.png)