Hoxe para conmemorar o Día do Libro levamos a cabo un acompañamento lector no patio. Cada un coa súa parella acomodámonos nun recanto do patio e pasamos un ratiño estupendo lendo en boa compaña.
Un ano máis animámosvos a participar no concurso de relatos curtos que organizamos dende a nosa biblioteca escolar e lembrade que está aberto á toda a comunidade.
Hoxe foi un gran día na nosa biblioteca! Viñeron as chicas do club de lectura do IES Fontexería a recitarnos uns poemas de Rosalía e fixérono de marabilla! Ademais trouxéronnos unha planta moi bonita como agasallo para a nosa biblioteca nova. Moitísimas grazas!!!! Agardamos poder repetir a experiencia en breve.
Hoxe foi un día de alegría e celebración na nosa escola. Logo de tanto traballo, por fin conseguimos rematar a mudanza do Polbo Ramón. Alumnado e profesorado disfrutamos descubrindo cada recuncho da nova biblioteca emocionados pola novidade.
Un ano máis a nosa biblioteca presenta o Concurso de relatos curtos Manuel Fabeiro Gómez. Con el pretendemos fomentar e incentivar o valor da expresión escrita entre a nosa comunidade educativa; e por iso, animámosvos a todos e todas a que participedes e nos contedes algunha historia, anécdota ou ocorrencia que vos pase polo maxín. Só tedes que lembrar que debe facer referencia dalgún xeito a algunha civilizacion da historia, colleres un papel e un lapis e deixar que voe a vosa imaxinación.