Skip to Content

biblioteca

A VOZ DO ARTAZA

Mar, 25/06/2024 - 09:09 — sambade

Chega fin de curso e con el a revista escolar "A Voz do Artaza". Nela nenos e nenas recollen actividades e proxectos levados a cabo durante o curso. Están tamén as diferentes celebracións levadas a cabo e por suposto, as RECOMENDACIÓNS DE LECTURAS para este verán.

Só nos queda desexarvos un bo verán e coma sempre unhas FELICES LECTURAS!

TEATRO CLUB DE LECTURA DE 5º - VOLUNTARIADO

Mér, 19/06/2024 - 15:42 — sambade

Hoxe foi outro día de moita actividade na nosa biblio. O club de lectura de 5º representou a adaptación dunha escea da obra "Os vellos non deben namorarse" lectura levada a cabo este curso no club de lectura. Elas disfrutaron moito, pero o público pasámolo xenial. Mirade que artistas!

4º DE INFANTIL PREMIADO NO CONCURSO DE CARTEIS MMM

Mér, 19/06/2024 - 15:22 — sambade

Hoxe, o noso alumnado de 4º de E.I foi ao concello a recoller o seu premio do concurso de carteis de Muros Mira ao Mar no que quedaron de 1º clasificados na súa categoría. Visitaron o salón de plenos e recolleron os premios de man da alcaldesa e as concelleiras e viñeron contentísimos/as de volta ao cole cos seus diplomas. 

OBRADOIRO do CLUB DE LECTURA no ESPAZO A MACETA

Xov, 13/06/2024 - 11:12 — sambade

O 12 de xuño,   integrantes dos clubs de lectura e voluntariado da biblioteca, levamos a cabo un divertido obradoiro de estampación téxtil coma colofón do ciclo de lecturas sobre a conservación mariña. Disfrutamos, aprendemos e levamos para casa unha orixinal bolsa personalizada con motivos mariños. Día feliz no espazo A Maceta con Loli e Alba.

CHARLA ASPANAES

Ven, 31/05/2024 - 11:21 — sambade

Esta semana tivemos na nosa biblio unha visita moi interesante da asociación ASPANAES. A través de Ricardo, un marabilloso actor/escritor con autismo, adentrámonos no seu mundo, coñecemos un pouco máis as características destas persoas e como podemos proceder con eles en determinados momentos. Mostrounos as súas dotes como actor e mercamos os seus libros que están na biblioteca con moita lista de agarda.

RECITAL LETRAS GALEGAS

Ven, 31/05/2024 - 11:09 — sambade

ONDE nós nunca pasan os trens

Só chegan ou parten

ANUNCIO

Mar, 28/05/2024 - 13:36 — sambade

OS MAIOS NO COLE

Mér, 15/05/2024 - 22:02 — sambade

Os nenos e nenas de Infantil viñeron cantarnos os maios.

Primeiro pasaron un rato estupendo compartindo a elaboración dos adornos co alumnado de 6º que sempre están encantados/as de axudar aos pequenos. Logo, pasaron polas aulas cantándonos os maios e alegrándonos a mañá ao tempo que se continúa con esta bonita tradición da nosa vila.

XVI MOSTRA DE TEATRO XOSÉ AGRELO

Ven, 03/05/2024 - 10:32 — sambade

Achégase o programa do Mes das Letras Galegas do Concello de Muros.

O mércores 15 o alumnado de primaria, iremos ver a obra "Neofalantes" de Luís Vallecillo e o martes 21 o alumnado de Infantil, disfrutará da obra "A galiña Azul".

Un mes cheo de obras para disfrutar das nosas letras !

DÍA DO LIBRO

Mar, 23/04/2024 - 15:49 — sambade

Hoxe para conmemorar o Día do Libro levamos a cabo un acompañamento lector no patio. Cada un coa súa parella acomodámonos nun recanto do patio  e pasamos un ratiño estupendo lendo en boa compaña.

Distribuir contido

 

 

     

 

 

 

 



by Dr. Radut