Skip to Content

SAMAÍN 2023

Pasámolo de medo celebrando o Samaín! Preme nesta imaxe para poder ver a exposición de cabazas coa luz acendida... Agora atrévete a entrar na escuridade....

VISITA XEA

O pasado luns tivemos a visita de XEA, empresa dedicada a xestionar de xeito ético o problema do abandono animal e coa que colabora o noso concello.

Tivemos unha charla moi interesante onde nos explicaron como achegarnos de forma segura a un animal que non coñecemos e faláronnos de como realizar unha adopción garantindo as mellores condicións para os animais. Quedounos moi claro que adoptar unha mascota é algo que implica unha gran responsabilidade polo que hai que valoralo moi ben antes de facelo. Ademais, tivemos a oportunidade de poñerlle o nome a dous cachorriños encantadores. Foi unha experiencia moi bonita e enriquecedora!

DÍA DAS BIBLIOTECAS 2023

Hoxe, para celebrar o Día das Bibliotecas, inauguramos o espazo da nova biblioteca escolar.

 Estamos emocionadísimos pensando no bonita e confortable que nos vai a quedar!    

Para a inauguración, tivemos a visita de dúas "singulares" representantes das Nacións Unidas

que viñeron expresamente dende Bruxelas para nos

presentar o  ProxectoDocumental Integrado (PDI)

que levaremos a cabo durante este curso.  Falaron dos

Obxectivos de Desenvolvemento Sustentables (ODS), da Axenda 2030 e animáronnos a

investigar todo isto dende unha  perspectiva municipal.

O PDI levará por nome: AMARE MUROS e xa estamos preparados/as para empezar.

 

 

 

 

ARRANCAMOS OS CLUBS DE LECTURA!

VOLUNTARIADO DA BIBLIOTECA

Esta semana xa empezaron a  funcionar na biblio os equipos  de VOLUNTARIADO. Se precisades  que vos axuden a buscar algún libro, que vos fagan o empréstito/devolución dos fondos ou simplemente que vos recomenden algo para ler, non dubidedes en preguntarlles e estarán encantados/as de poder axudarvos.

Deixamos aquí unha fotiño de un dos grupos do noso preciado voluntariado.

Moitas grazas pola vosa colaboración!!!

INICIO DAS TARDES DE BIBLIO

INICIO CURSO ESCOLAR

 

A nosa biblioteca abre as súas portas e damos a benvida con alegría a este novo curso 2023/2024.

O empréstito xa está funcionando con normalidade e o Polbo Ramón anda tolo de alegría porque en breve terá unha mudanza e cambiará de sitio despois de tantos anos. O traslado  da nosa biblioteca vai ser das primeiras sorpresas que teñamos neste curso, pero non será a única. Que novas aventuras nos agardarán?

 

FIN DE CURSO

E por fin chegaron as tan ansiadas vacacións de verán!! Foi un curso intenso de moito traballo , pero tamén foi o curso de volta a normalidade despois de varios anos con restriccións derivadas da pandemia. Volveron as saídas e excursións e recuperamos as tarefas colaborativas e traballos en grupo que tanto estrañabamos.

O pasado día 21 celebramos a festa de fin de curso. Tivemos a actuación do Mago Paco, a graduación de 6º de E.I e de 6º de E.P, a entrega de premios do VI Concurso de Relatos Manuel Fabeiro e a entrega de diplomas do Voluntariado da biblioteca e por suposto, a emotiva entrega das mencións honoríficas de 6º. Un día de despedidas e de alegría pola chegada das vacacións.

Queremos desexarvos un MOI FELIZ VERÁN. Cargaremos as pilas para un novo curso que seguro virá cargadiño de sorpresas e novas aventuras.

Lembramos que as recomendacións de lecturas para o verán están dentro da revista na web do centro.

BOAS VACACIÓNS E FELICES LECTURAS!!

 

CONCURSO DE RELATOS CURTOS MANUEL FABEIRO GÓMEZ

Aquí vos deixamos os relatos gañadores deste VI Concurso de Relatos Curtos Manuel Fabeiro Gómez. Este curso houbo moitos e moi bos relatos. Moitas grazas pola vosa participación e noraboa aos gañadores/as!.

NOITE NA BIBLIO

O polbo Ramón quedou encantado coa festa do venres pola noite na biblioteca. O alumnado do Club de Lectura xunto co Voluntariado da biblio, estaban desexando a chegada do venres 9 para levar a cabo esta actividade que quedara interrompida pola pandemia.

Ademáis das lecturas fixemos a valoración do curso que está rematando e recollemos  propostas de mellora para o vindeiro curso. Divertímonos moito resolvendo as probas da xincana e fixemos dramatizacións coas que rimos a esgalla.

 

 

 

     

 

 

 

 



by Dr. Radut