Skip to Content

OBRADOIRO do CLUB DE LECTURA no ESPAZO A MACETA

O 12 de xuño,   integrantes dos clubs de lectura e voluntariado da biblioteca, levamos a cabo un divertido obradoiro de estampación téxtil coma colofón do ciclo de lecturas sobre a conservación mariña. Disfrutamos, aprendemos e levamos para casa unha orixinal bolsa personalizada con motivos mariños. Día feliz no espazo A Maceta con Loli e Alba.

CHARLA ASPANAES

Esta semana tivemos na nosa biblio unha visita moi interesante da asociación ASPANAES. A través de Ricardo, un marabilloso actor/escritor con autismo, adentrámonos no seu mundo, coñecemos un pouco máis as características destas persoas e como podemos proceder con eles en determinados momentos. Mostrounos as súas dotes como actor e mercamos os seus libros que están na biblioteca con moita lista de agarda.

RECITAL LETRAS GALEGAS

ONDE nós nunca pasan os trens

Só chegan ou parten

ANUNCIO

OS MAIOS NO COLE

Os nenos e nenas de Infantil viñeron cantarnos os maios.

Primeiro pasaron un rato estupendo compartindo a elaboración dos adornos co alumnado de 6º que sempre están encantados/as de axudar aos pequenos. Logo, pasaron polas aulas cantándonos os maios e alegrándonos a mañá ao tempo que se continúa con esta bonita tradición da nosa vila.

XVI MOSTRA DE TEATRO XOSÉ AGRELO

Achégase o programa do Mes das Letras Galegas do Concello de Muros.

O mércores 15 o alumnado de primaria, iremos ver a obra "Neofalantes" de Luís Vallecillo e o martes 21 o alumnado de Infantil, disfrutará da obra "A galiña Azul".

Un mes cheo de obras para disfrutar das nosas letras !

NOVIDADES

Pásate pola biblio para coñecer as últimas novidades. Xogos e lecturas novas para todos os gustos e para todas as idades.

LABORATORIO DE RADIO NA BIBLIO

O pasado luns 29 de marzo, o alumnado de 4º tivo unha sesión de formación na radio con Sergio Pascual. Disfrutaron coa experiencia e xa están preparados para pasar a acción.

RECREOS ANIMADOS NA BIBLIOTECA

Como ben sabedes durante os recreos  a nosa biblioteca sempre está disposta a recibir os vosos contacontos, monólogos, espectáculos ... non tedes máis que apuntarvos e ensaiar un pouco para recibir o caloroso aplauso do noso público. Hoxe tocoulle a quenda a Uxía e Sara de 6ºA. Un gran aplauso!!!!

 

DÍA DO LIBRO

Hoxe para conmemorar o Día do Libro levamos a cabo un acompañamento lector no patio. Cada un coa súa parella acomodámonos nun recanto do patio  e pasamos un ratiño estupendo lendo en boa compaña.

 

 

     

 

 

 

 



by Dr. Radut