O alumnado de 4º de educación primaria é o encargado de crear este curso escolar "A radio de Zalaeta". A mestra María é a guía que xestiona as diferentes temáticas das que se van gravando os podcast semana tras semana, nos que encontraredes as novidades mais significativas do noso centro. Non volo perdades!
O pasado xoves 18 de outubro, as clases de 3º e 4º EP foron o Centro Ágora a desfrutar dunha actividade que forma parte do Programa Falamos de Primaria.
Con esta actividade pretendemos poñer en valor a lingua galega achegándoa o noso alumnado, facéndoo dunha forma lúdica e divertida. Para iso ninguén mellor que o Mago Antón, que conseguiu ter a rapazada emocionada e fascinada durante toda a actuación. Salientar que este espectáculo é unha homenaxe a Álvaro Cunqueiro.
Desfrutade do video tanto como os rapaces e rapazas desfrutaron da actuación!
Continuamos co proxecto de dinamización do noso patio cunha colaboración coa Fundación Érguete.
A iniciativa da Fundación Érguete forma parte do proxecto "entre patios" en colaboración co centro penitenciario de Teixeiro, do IES Rosalía Mera e da empresa Finsa.
Grazas ao material elaborado dentro deste proxecto teremos unha nova estancia no noso patio: "espazo pícnic".
A partir do 23 de outubro xa podedes traer as vosas manualidades para decorar a horta e o cole. Haberá un premio por curso para a manualidade mais orixinal e terrorífica. Moita sorte!
