O venres 9 de Marzo visitounos un árbitro de fútbol da Primeira división da Liga de Fútbol Profesional.
Na aula de Psicomotricidade estivemos moi atentos a todo o que nos contou e despois da súa visita sacamos unha serie de conclusións:
1. Aínda que ás veces as actividades ou experiencias que se nos ofrecen parecen un "rollo" procuraremos ser curiosos e probar antes de decidir. Nunca sabemos se ese vai ser o noso futuro.
2. Debemos ser constantes e loitar polo que nos gusta e queremos. A constancia e o esforzo dan os seus froitos. Para chegar a ser árbitro hai que estudar moito e estar en forma para pasar probas físicas por exemplo de correr.
3. Ó fío dos xornais que traballamos estes días aprendimos que temos que ser moi selectivos e críticos coa información, pois non sempre as noticias son fieis á realidade.
4. Os árbitros son tan importantes como os xogadores e é moi difícil facer de árbitro.
5. Nos partidos de nenos e nenas das nosas idades é importante que nós como xogadores e os nosos pais e nais respecten aos árbitros xa que, aínda que nos guste gañar, o principal e disfrutar facendo deporte.
Pasamos un anaco de tempo moi agradable que se nos fixo pouco á hora da reportaxe gráfica e da firma de autógrafos, pero agardamos poder repetir a visita e cumprir outro tipo de expectativas.
Por último agradecer públicamente a Ignacio Iglesias a súa colaboración altruísta co noso cole nesta actividade que a case todos os rapaces lles fixo moita ilusión, os motivou para realizar os traballos propostos e lles fixo reflexionar acerca dunha profesión descoñecida.
Gracias rapac@es polo interés e o traballo realizado e aos metres pola colaboración prestada!!!
* A foto de grupo estará colocada en cada nivel e na galería de fotos do cole xunto coa firma que nos deixou.