Desde o vindeiro venres día 1 ata o 20 de marzo de 2024 permanecerá aberto o prazo de solicitude de admisión para o vindeiro curso 2024/25, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para o alumnado de Educación Infantil e Educación Primaria  que desexa cambiar de centro escolar sempre que haxa prazas dispoñibles.

Poden realizar as súas consultas no teléfono 881880237 ou no correo electrónico ceip.vales.villamarin@edu.xunta.gal 

Publicación das listaxes provisionais de alumnado admitido: 25 de abril.

Publicación das listaxes definitivas de alumnado admitido: 15 de maio.

 Formalización da matrícula: do 20 ao 30 de xuño.

INFORMACIÓN:

Información admisión alumnado

Calendario procedemento de admisión

Áreas de influencia

Postos escolares vacantes

Tríptico PEC (Proxecto Educativo de Centro)

Decreto 13/2022

Orde 21 de outubro de 2022

IMPRESOS:

Solicitude de admisión

Documento de autorización de matrícula

Solicitude de transporte normal (domicilio a máis de 2 km.)

Solicitude de transporte excepcional

A Consellería de Cultura, Educación, Formación Profesional e Universidades publicou recentemente o Plan Integral contra o acoso e ciberacoso escolar, así como a actualización do Protocolo educativo para a prevención, detección e tratamento do acoso e ciberacoso escolar, co fin de dar resposta a este tipo de situacións nos centros educativos.

Unha das medidas establecidas nestes documentos é a instalación do denominado Punto Laranxa en cada un dos centros de ensino.

Trátase dun espazo físico e virtual onde calquera persoa poderá denunciar de xeito anónimo unha situación de posible acoso ou ciberacoso escolar.

O Punto Laranxa Físico estará instalado na entrada do edificio de Primaria nun lugar visible e accesible para todas as persoas que forman parte da comunidade educativa. Este punto consta dunha caixa onde calquera persoa pode depositar información relativa a unha posible situación de acoso ou ciberacoso escolar e, ademais, dun pequeno espazo onde o centro será quen de incorporar información adicional relacionada con esta temática.

O punto Laranxa Virtual estará habilitado na páxina web do colexio. Os usuarios anónimos disporán dun formulario cun único campo de texto no que escribir a súa mensaxe. 

ESCAPE ROOM DA IGUALDADE. CONCELLO DE BETANZOS. 

O día 23 de febreiro recordamos a Rosalía na data do seu nacemento. Premede nas imaxes para ver algunhas das diferentes actividades que fixemos para conmemorar esta data. Se clicades neste enlace A GALEGA UNIVERSAL poderedes escoitar un poema, que a escritora Concha Blanco lle adica á autora, interpretado polas nenas e nenos de 3º de Primaria.

As nenas e os nenos de 3º de Primaria aprenderon que facer para previr inundacións, da man de Augas de Galicia. Botádelle unha ollada ao vídeo premendo na imaxe!

As familias do novo alumnado do CEIP Francisco Vales Villamarín para o curso 2024/2025 que naceron no ano 2021 e non coñezan o colexio, poden pasar a visitar o edificio de infantil o próximo martes, día 27 de febreiro de 2024, ás 16:30 h., e recibir información sobre o colexio e a etapa educativa que van comezar.

PREME NA IMAXE!

Con este venres damos por rematado o noso entroido no cole. Gozamos da festa, da comida, das manualidades e..., por suposto, das FILLOAS!!

Moitísimas grazas ás mamás Olivia e Natalia que estiveron toda a mañá ensinándonos a facer as filloas.

premede na imaxe!

Aí vos deixamos un BOSQUE DE CONTOS...

PREMEDE NA IMAXE!

Debido ás inclemencias meteorolóxicas, o desfile do entroido 2024 non pode realizarse no Pasatempo e farase no centro educativo, cada etapa no seu edificio. 

INFANTIL

HORA INICIO DESFILE: 11:00 horas

As familias entrarán ao centro pola porta que da acceso ao patio cuberto ás 10:50 horas e se colocarán detrás da cinta delimitada para tal efecto).

ORDE SAÍDA DO DESFILE: 6º/5º/4º de E.Infantil

PRIMARIA

HORA INICIO DESFILE:

GRUPOS A / B / C: 10:00 horas

GRUPOS D / E: 12:30 horas

As familias entrarán ao centro polo portalón pegado á panadaría ás 9:45 h. (A/B/C) e ás 12:15 h. (D/E) pola porta principal do pavillón e accederán ás gradas.

ORDE SAÍDA DO DESFILE: 6º/5º/4º/3º/2º/1º de E. Primaria

Cada grupo desfilará dúas veces: á chegada e á saída.

*O vindeiro VENRES 16 de Febreiro celebrarase o ENTROIDO PEQUENO, onde o alumnado poderá vir disfrazado libremente ao centro sen traer obxectos perigosos ou inadecuados.

*Recordamos que non se pode gravar ou fotografar a menores nin difundir imaxes dos mesmos sen a debida autorización expresa dos seus proxenitores. De facelo a responsabilidade plena e total será única e exclusivamente de quen as faga e difunda sen a preceptiva autorización.