Nenos e nenas de 1ºA prepararon novas plantas de romeu a partir de pèquenos talos, actividade que foi recollida por VOZ NATURA.

http://www.voznatura.es.mialias.net/articulo-de-actualidad-1383-Plantando

Este ano no entroido tocou disfrazarse de Medievais, dentro do traballo que estamos a realizar no Proxecto Documental Integrado coordinado dende a biblioteca. Estamos a traballar a Idade Media polo que había representantes dos bufóns, dos cabaleiros, das princesas, das bruxas e bruxos, dos xograres, dos monxes, dos campesiños e campesiñas, da nobreza, dos artesáns e moito máis. Aí vos deixamos unha mostra

A rapazada de 5º de Primaria visitou a fábrica de Sargadelos no Castro, Sada. Alí fixeron un percorrido polas instalacións e aprenderon algunha das técnicas de elaboración desta famosa cerámica.

O pasado 30 de xaneiro conmemoramos no colexio o Día da Paz. Tomando como fío conductor o conto "O lápis máxico de Malala" os nenos e as nenas do cole fixeron debuxos, escribiron frases ou elaboraron murais con distintas mensaxes sobre o que lles gustaría facer con ese lápis.

DÍA DA PAZ on PhotoPeach

 Entre os meses de setembro e outubro do 2017 Natalia Ucha, profesora deste centro, participou nun programa de formación de profesorado en Canadá, o programa PIALE da Xunta de Galicia.Consistiu nun mes de formación nun colexio de primaria en Ottawa mentras estaba aloxada en casa dunha familia canadiense. Foi unha experiencia extraordinaria, moi positiva e moi valiosa tanto a nivel pedagóxico como lingüístico. Ademáis de aprender moitos trucos e estratexias para aplicar na aula e de facer unha programación didáctica de matemáticas en inglés para 3º, tamén elaborou unha presentación sobre os aspectos máis relevantes de Canadá e o seu sistema educativo, así como un video resumen con algunhas das "miles" de fotos que trouxo de alí. 
Como parte dese programa, hai que facer unha difusión da súa experiencia, e que mellor maneira de facelo que colgalo no blogue da clase e páxina web do cole para que chegue ao máximo número posible de membros da nosa comunidade educativa. Esperamos que o desfrutedes e para calquera información que queirades sobre o programa non dubidedes en poñervos en contacto con ela.

Este ano felicitamos o Nadal con tarxetas elaboradas con tapóns polos nenos e nenas de 1º, 2º e 3º de Primaria. Felices festas a todos!!

Durante este mes de Decembro, no cole realizamos diferentes acitividades: participamos nun programa de radio, vimos obras de teatro e espectáculos de maxia, cantamos panxoliñas, fixemos postais de nadal, visitáronnos os reis magos e o apalpador,... Aí vos deixamos unha mostra...

Grazas a todo o alumnado por participar no concurso de debuxo "MEDIEVALES CAPACES".  Noraboa pola vosa creatividade, sensibilidade e esforzo por facer un mundo mellor. 

Foron moitos os debuxos e difícil a elección, así que neste vídeo podedes atopar só unha pequena mostra. Á volta do Nadal poderedes disfrutar de todos os debuxos.