E como xa estamos metidxs nun novo proxecto, aquí vos deixamos a nosa actuación da biblioteca, a ver se adiviñades sobre que estamos investigando agora!
Os últimos meses estivemos traballando sobre a orquestra, aquí vos deixamos un resumo. Moitísimas grazas a todas as familias por colaborar, en especial á mamá de Emily, que visitou o noso cole para ensinarnos moitos tipos de frautas.
Dentro do proxecto tamén traballamos a obra "El carnaval de los animales" de Camille Saint-Saëns. Pasámolo xenial facendo caretas dos nosos animais favoritos e imitando aos animais do conto.
Os nenos e nenas da clase de 4 anos fixeron unha fantástica actuación sobre o museo na sesión de animación á lectura na biblioteca. Está claro que son grandes artistas!
Os nenos e nenas de Educación Infantil estamos participando no programa de reciclaxe "Refugallando". O outro día reutilizamos xornais vellos para facer papel novo!
A pasada semana visitamos o museo MAC. A visita levaba por título "Quen dixo medo?", co obxectivo de aliviar os medos propios da idade dos nenos e descubrir a dimensión lúdica das emocións (incluídas as desagradables). Comezamos vendo unha representación teatral na que Carmola, a protagonista, lle tiña medo aos lobos. Os nenos puideron ver como superaba este medo dun xeito moi divertido. A continuación fixemos un percorrido polo museo contemplando diferentes obras obras e descubrindo que as cousas non sempre son o que parecen. Por último realizamos un obradoiro moi doce, aprendendo como ser máis fortes cando algo nos asusta. Mirade como disfrutaron!
