- Primeiro participamos no Correlingua 2018 facendo unha camiñata ata a Torre de Hércules.
- Visitamos a Fraga de Sisalde e alí plantamos unhas árbores, entramos nun muíño e vimos como funcionaba, debullamos millo, vimos o Río Sisalde e fixemos unha ruta polo monte.
- Litoral de Arteixo: Hoxe tocaron 2km. ao carón do mar! Comezamos na praia de Repibelo e paseamos ata chegar a Sabón.
Despois de tanto movemento estamos moi en forma. Queríamos dar as grazas a Ramón de Medioambiente por facer de guía nas dúas últimas saídas e por explicarnos un montón de cousas.
Os nenos e nenas de 4ºB aproveitaron o Día do Libro para lernos uns contos súper chulis! Como foi tan divertido volveron para conmemorar o Día das Letras Galegas e contarnos outro conto, esta vez de María Victoria Moreno. Aquí podedes ver que ben o pasamos!
Para celebrar o día do libro (23 de abril) ao longo desta semana estamos preparando unha actividade: Padriños lectores. Ao alumnado de 4º B tocoulles apadriñar a 5º de Educación Infantil. Xa nos presentamos aos nosos afillados e foi moi emocionante! Esperamos que disfruten moito o venres cos libros que eleximos para lerlles!
O día 22 de marzo celébrase en todo o mundo o Día da auga. Durante toda esa semana puidemos ver os experimentos que os nosos compañeiros nos tiñan preparados e tamén fixemos o noso experimento para que o visen os outros nenos e nenas.
O "Crocodilo tragón" é un pouco pillabán e convertíu a nosa aula nun museo! Pasámolo xenial e dende ese día non paramos de aprender cousas sobre museos, obras de arte, pintores... Nas casas tamén estamos facendo uns traballos chulísimos que xa vos iremos ensinando ;)
