Xa temos unha ferramenta nova para utilizar na clase! Os alumnos de 3º e 4º comezamos a usalos nunha actividade de plástica moi sinxela e moi divertida: A REALIDADE AUMENTADA!
Pasámolo moi ben porque o resultado foi sorprendente! Queredes velo? Aquí vos deixamos unha pequena mostra. Seguiremos traballando...
Os nen@s de 4º foron padriños/madriñas dos pequeniños de 3 e 4 anos. Que ben o pasamos cos preparativos! Primeiro tivemos que buscar un libro axeitado a súa idade e que lles gustase, despois preparámoslles uns agasallos e, por último, fomos a presentarnos á súa clase. E, por fin chegou o día... Foi moi emocionante!
O día 15 de abril os alumnos de 3º e 4º visitamos a DOMUS, museo interactivo para divertirse e reflexionar sobre as características da especie humana. Tamén vimos unha película en 3D, "Titáns de xeo" que nos transportou ás belas paisaxes xeadas do hemisferio norte de hai 20.000 anos!
O 19 de marzo fomos de excursión! Fixemos unha longa camiñata polo litoral arteixán! Andivemos dende a praia de Sabón ata a de Valcobo! A paisaxe é fermosa e, ainda que facía un pouquiño de frío e nos escapaban as gorras co vento, valeu a pena!
O pasado 18 de marzo algúns alumnos e persoal de ASPACE CORUÑA (Asociación de Pais de persoas con parálise cerebral co fin de mellorar a calidade de vida das persoas con parálise cerebral e das súas familias) viñeron a visitar o noso colexio para falarnos sobre o xogo adaptado e compartilo con todos nós. Foi unha visita moi interesante e un día moi especial!
Aquí tedes un enlace co seu facebook onde publicaron fotos da visita e algunhas máis que sacamos nós:
